![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8d/Vorkolumbische_Kulturen.png/640px-Vorkolumbische_Kulturen.png&w=640&q=50)
Tairona
From Wikipedia, the free encyclopedia
Tairona var ei gruppe av høvdingsete i regionen i og rundt Sierra Nevada de Santa Marta i dagens Magdalena, Cesar og La Guajira-departement i Colombia i Sør-Amerika. Sivilisasjonen går minst tilbake til det første hundreåret e.Kr., og hadde monaleg demografisk vekst rundt 1000-talet.
![Thumb image](http://upload.wikimedia.org/wikipedia/commons/thumb/8/8d/Vorkolumbische_Kulturen.png/640px-Vorkolumbische_Kulturen.png)
![Thumb image](http://upload.wikimedia.org/wikipedia/commons/thumb/4/48/Taironapendants_metropolitan_2006.jpg/640px-Taironapendants_metropolitan_2006.jpg)
![Thumb image](http://upload.wikimedia.org/wikipedia/commons/thumb/4/40/Greenstone_Staff%2C_Tairona_culture.jpg/640px-Greenstone_Staff%2C_Tairona_culture.jpg)
![Thumb image](http://upload.wikimedia.org/wikipedia/commons/thumb/1/1d/Tairona_pendant_Louvre_70-2003-14-1.jpg/640px-Tairona_pendant_Louvre_70-2003-14-1.jpg)
Tairona-folket danna den eine av dei to hovudspråkgruppene i den chibchanske språkfamilien, den andre er muisca. Genetiske og arkeologiske funn viser ei relativt tett utbreiing i regionen i det minste frå år 200 f.Kr. Pollendata samla inn i 1980 viser betydeleg avskoging og bruk av kulturplantar som maniok og mais sidan moglegvis 1200 f.Kr. Men busetting av den colombianske karibiske kysten av faste eller halvt bufaste folkegrupper er dokumentert å ha skjedd ca. år 4000 f.Kr. Etnohistoriske data viser at første kontakt med spanjolane vart tolerert av tairona, men innan 1600 e.Kr. hadde det bygt seg opp konfrontasjonar og ein liten del av taironapopulasjonen flytta opp til høgare område i Sierra Nevada de Santa Marta. Denne flukta tillét dei å unngå dei mest negative verknadene av det spanske kolonisystemet gjennom 1600 og 1700-talet. Urfolka kogui, wiwa, arhuaco og kankuamo som bur i området i dag, er trudd å vere direkte etterkommarar av tairona.