![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1e/Sunni_triangle.jpg/640px-Sunni_triangle.jpg&w=640&q=50)
Sunni-triangelet
Wikimedia-listeartikkel / From Wikipedia, the free encyclopedia
Sunni-triangelet er ein tett folkesett region i Irak, nordvest for Bagdad, som hovudsakleg er busett av sunnimuslimske arabarar.[1]
![Thumb image](http://upload.wikimedia.org/wikipedia/commons/thumb/1/1e/Sunni_triangle.jpg/320px-Sunni_triangle.jpg)
Hjørna i det grovt trekanta området vert vanlegvis rekna å liggje nær Baqubah (på austsida av triangelet), Bagdad (på sørsida), Ramadi (på vestsida) og Tikrit (på nordsida). Kvar side er kring 125 km lang. Området omfattar byane Samarra og Fallujah.
![Thumb image](http://upload.wikimedia.org/wikipedia/commons/thumb/2/2a/Iraq_ethno_2003.jpg/640px-Iraq_ethno_2003.jpg)
Området var ein sterk støttespelar for den tidlegare irakiske presidenten Saddam Hussein, og mange statlege tilsette, politikarar og militære leiarar frå og med 1970-åra kom frå dette området. Saddam sjølv var fødd like utafor Tikrit.
Etter invasjonen av Irak i 2003 vart området fokus for væpna sunnimotstand mot koalisjonsstyret. Det vart spådd i vestleg presse at Saddam kom til å skjule seg hos sunni-støttespelarane og 13. desember 2003 vart han teken til fange i raid mot landsbyen ad-Dawr kring 15 km sør for Tikrit.
Omgrepet Sunni-triangelet vart nytta av og til frå 1970-åra blant akademiske Irak-spesialistar, vanlegvis for å skilje det frå dei nordlege og sørlege områda av landet.