Sundasundet

Sundasundet er eit om lag 200 kilometer langt og mellom 25 og 110 kilometer breitt sund mellom øyane Sumatra og Java i Indonesia. Sundet går frå Javahavet i nord og munnar ut i Indiahavet i sør.^[1] Fleire vulkanske øyar ligg i sundet, mellom dei Krakatau.

Kart over Sundasundet (Détroit de la Sonde)

Sundasundet er ei mykje nytta ferdsleåre for skipstrafikken mellom Indiahavet og Sørkinahavet, med 2 280 passerande skip årleg (2012).^[2] Sundet er i gjennomsnitt 50-65 meter djupt, men over eit større område er det berre om lag 18 meter djupt.

28. februar og 1. mars 1942 stod eit stort sjøslag i Sundasundet, mellom Japans marine på den eine sida og USAs marine støtta av Nederland og Australia på den andre.

Notar

1. «Sunda Strait», Encyclopædia Britannica.
2. Mohd Hazmi bin Mohd Rusli: Maritime Highways of Southeast Asia: Alternative Straits? Arkivert 2014-06-28 ved Wayback Machine., RSIS Commentaries, nr. 024/2012, 10. februar 2012.

Kjelder

• Denne artikkelen bygger på «Sundasundet» frå Wikipedia på bokmål, den 1. august 2013.

• Denne artikkelen bygger på «Sundastraße» frå Wikipedia på tysk, den 1. august 2013.