Springfield-rifle M1903
From Wikipedia, the free encyclopedia
Springfield M1903 er eit amerikansk repetérgevær med innebygd magasin for fem skot. Det vart utvikla og produsert av den føderale regjeringseigde våpenfabrikken Springfield Armory i Massachusetts. M1903 byggjer på eit mauserkonsept. Dei første riflene vart leverte til hæren i 1903, men alt i 1906 vart ein ny patron utvikla for dette våpenet. Kaliber .30-06 vart standard geværammunisjon for USA sine militære styrkar til etter andre verdskrigen.
![Thumb image](http://upload.wikimedia.org/wikipedia/commons/thumb/8/8a/Rifle_Springfield_M1903.jpg/220px-Rifle_Springfield_M1903.jpg)
Springfield-geværet var standardgevær for amerikanske soldatar under første verdskrigen (USA deltok frå 1917), sjølv om mange òg bruka ein variant av det britiske Lee-Enfield-geværet. M1903 var standard tenestevåpen i det amerikanske infanteriet til 1936, da det skulle avløysast av det nye halvautomatiske Garand-geværet. Men sidan det var visse produksjonsproblem med dette, vart M1903 òg mykje bruka under andre verdskrigen, særleg i Stillehavskrigen. Både under andre verdskrigen og under Koreakrigen vart ein variant av M1903 bruka som skarpskyttargevær.
Kjelde: Tysk wikipedia.