![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/df/Roman_Empire_125.svg/langnn-640px-Roman_Empire_125.svg.png&w=640&q=50)
Saksarar
From Wikipedia, the free encyclopedia
Saksarar[lower-alpha 1] var ei gruppe germanske stammar som først er omtalte i skriftlege kjelder for å vera lokalisert i nærleiken av kysten av Nordsjøen i det som i dag er Tyskland (Gamle Sachsen) i sein romersk tid. Dei blei snart omtalte for å ha angripe, herja og busett seg i mange område ved Nordsjøen, i tillegg til å pressa seg sørover mot frankarane. Mange av dei busette seg i store delar av Dei britiske øyane i det som i dag er England i tidleg mellomalder, og utgjorde ein del av den samanslåtte gruppa av angelsaksarar som til sist organiserte det fyrste sameina kongeriket England.[1] Mange saksarar blei likevel verande i Germania der dei stod imot og gjorde motstand mot det ekspanderande Frankarriket ved leiarskapet til den semi-legendariske saksiske helten Widukind. Fleire historikarar meiner at frankernes krigføring og kristning av sakserne skremte saksarane skandinaviske naboar i nord og gav støyten til vikingane sine utfall mot kristne mål på dei britiske øyane og på det europeiske kontinentet. Professor Torgrim Titlestad har foreslått at utviklinga av vikingskipet og vikingåtak mot kristne mål som klosteret på Lindisfarne, har hatt eit underliggande preventivt formål – at skandinavane ville synleggjera at dei var overlegne frankarane til sjøs.
![Thumb image](http://upload.wikimedia.org/wikipedia/commons/thumb/6/65/Liebenau_Gr%C3%A4berfeld_Fundst%C3%BCcke_Museum_Nienburg_Schwert_Sax_Messer.jpg/640px-Liebenau_Gr%C3%A4berfeld_Fundst%C3%BCcke_Museum_Nienburg_Schwert_Sax_Messer.jpg)
![Thumb image](http://upload.wikimedia.org/wikipedia/commons/thumb/d/df/Roman_Empire_125.svg/640px-Roman_Empire_125.svg.png)