Ragunda kommun

Ragunda kommun er ein kommune i Jämtlands län i Sverige. Kommunen grensar til tre andre kommunar i Jämtlands län. Desse er Strömsunds kommun i nord, Bräcke kommun i sør og Östersunds kommun i vest. Vidare grensar han til Sollefteå kommun i aust og Sundsvalls kommun i søraust, begge i Västernorrlands län. Administrasjonssenteret i kommunen er Hammarstrand.

Ragunda kommun
kommune
Kommunevåpen
Land	Sverige
Len	Jämtlands län
Landskap	Jämtland
Del av	Jämtland, Q61666685, Q61666672
Centralort	Hammarstrand
Areal	2 650 km²
•  land	2 526 km²
•  vatn	124 km²
Folketal	5 681
Folketettleik	2 / km²
Ragunda kommun 63.1°N 16.35°E / 63.1; 16.35
Wikimedia Commons: Ragunda Municipality
Nettstad: www.ragunda.se

Landskapet er prega av kollar (av granitt og gneis) som fell bratt ned mot låglandet omkring. I låglandet er det mykje skog og myrmark. Indalsälven har fleire store fossar i løpet sitt gjennom kommunen, som Hammarforsen, som oppstod i 1796 då elva tok nytt far under vårflaumen og tømde den store Ragundasjön. Indalsälven og sideelva Ammerån har grave seg djupt ned og danna ravinar i sedimenta.

Kommunen har hatt ein jamn nedgang i folketalet sidan 1960-åra, og folkesetnaden er i gjennomsnitt eldre enn i landet som heilskap. Det er mykje kraftproduksjon i kommunen, og elles finn ein jord- og skogbruk, samt noko industri, til dømes treforedling.

Administrativ historikk

Ved kommunereforma i 1952 vart Borgvattnet innlemma i Stuguns landskommun. Fors og Ragunda landskommunar vart ikkje påverka den gongen.

Neste kommunereform vart gjennomført i 1974, og då vart den noverande Ragunda kommun oppretta gjennom samanslåing av Fors, Stugun og gamle Ragunda.

Kommunevåpenet

Blasonering: På sølvfarga bakgrunn, eit blått tre ovanfor fire bølgjer i blått og sølv, samt to raude lynglimt som er vende oppover og går i kross bak treet.^[1]

Dette våpenet vart fastsett for Fors landskommun i 1958. Ved samanslåinga vart Ragunda vald som namn, men Fors fekk bruke våpenet, og dette vart registrert for den nye kommunen hjå Patent- och registreringsverket.^[2] Også Stuguns landskommun hadde eit vapen, frå 1947, men det vart gjort ugyldig.

Tettstader

Det er fire tettstader i Ragunda kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1.	Hammarstrand	1 061
2.	Stugun	627
3.	Västra Bispgården	523
4.	Östra Bispgården	294

Kjelder

• «Ragunda kommun» på Wikipedia på svensk, innhenta 25. april 2010.
• «Ragunda» hjå Store norske leksikon, innhenta 25. april 2010 (lisensiert under CC-BY-SA).

Referansar

1. «I fält av silver en av vågskura bildad stam, fyra gånger vågskuredelad av blått och silver, samt däröver två framkommande, uppåtriktade röda blixtar i kors, överlagda med en blå tall».
2. Svenska Heraldiska Föreningens vapendatabas.