Quinoa av Tangerine Dream

Quinoa er det 46. albumet og det 22. studioalbumet til det tyske electronicabandet Tangerine Dream, gjeve ut i 1992.

Quinoa Studioalbum av Tangerine Dream
Utgjeve	1992
Innspelt	1992–1997, The Cave (Berlin)
Sjanger	Elektronisk musikk[1]
Lengd	49:13
Selskap	Volt Records, TDI
Produsent	Edgar Froese
Tangerine Dream-kronologi
Rumpelstiltskin (1992)	Quinoa	Deadly Care (1992)

Meldingar
Karakter
Kjelde	Karakter
AllMusic	[1]

Bakgrunn

Quinoa vart gjeve ut i eit avgrensa opplag på berre 1000 eksemplar. Det vart sendt ut som ei spesiell gåve til medlemmar av den tidlegare offisielle fanklubben til Tangerine Dream,^[2] og dei attverande kopiane vart selde under den tyske turneen deira i 1997. Albumet inneheldt berre eitt spor, men det varte til gjengjeld i 28 minuttar.

Albumet vart gjeve ut på ny i 1998 på TDI.^[3] Det var då ikkje lenger avgrensa og inneheld to bonusspor. Eit av desse, «Voxel Ux», vart opphavleg skrive for ein konkurranse på den offisielle heimesida til bandet i 1996. Vinnaren fekk ein CDR med songen på, og det var berre denne eine kopien som fanst. «Lhasa» vart skildra som den første satsen i «Tibetan Cycle» i lag med seks andre stykke. Dette kom først ut i 2000 på albumet The Seven Letters from Tibet. «Lhasa» var då forlenga og heitte «The Blue Pearl».^[4]

I mars 2009 vart Quinoa gjeve ut på ny på Membran Music Ltd med nytt plateomslag.^[5]

Innhald

Nr.	Tittel	Låtskrivar(ar)	Lengd
1.	«Voxel Ux» (TDI (1998), Membran (2009))	Jerome Froese	11:59
2.	«Quinoa»	Edgar Froese, Jerome Froese	28:25
3.	«Lhasa» (TDI (1998), Membran (2009))	Edgar Froese	9:49

Medverkande

• Edgar Froese
• Jerome Froese

Kjelder

• Denne artikkelen bygger på «Quinoa (album)» frå Wikipedia på engelsk, den 10. april 2013.
  • Wikipedia på engelsk oppgav desse kjeldene:

1. Brenholts, Jim. Quinoa av Tangerine Dream på Allmusic
2. «Tangerine Dream - Quinoa (1992)». Discogs.
3. «Tangerine Dream - Quinoa (1998)». Discogs.
4. Berling, Michael. «Quinoa». Voices in the Net.
5. «Tangerine Dream - Quinoa (2009)». Discogs.