From Wikipedia, the free encyclopedia
Péninsule Loranchet, òg kalla Presqu'île Loranchet eller Loranchethalvøya er ei halvøy på Grande Terre, hovudøya i den subantarktisk øygruppa Kerguelen i det sørlege Indiahavet.
Péninsule Loranchet | |||
halvøy | |||
Topografisk kart over Kerguelen med halvøya til nordvest | |||
Land | ![]() | ||
---|---|---|---|
Stad | Kerguelen | ||
- koordinatar | 48°42′S 69°00′E | ||
![]() Péninsule Loranchet 48.7°S 69°E |
Halvøya dekkjer det nord-vestlege hjørnet av Grande Terre og er kalla opp etter Jean Loranchet, førstestyrmann på Raymond Rallier du Baty under den andre kartlegginsekspedisjonen til Kerguelen i 1913. Ho har eit kupert, fjellrikt indre med høgder over 500 moh og ei kystlinje med bratte klipper og fleire fjordar. Ho er kring 50 km lang med ei breidde på 20 km. Som det meste av Grande Terre finst her fleire innførte artar som kattar, rotter og kaninar. Halvøya vert sjeldan vitja av menneske.[1]
Nordenden av halvøya og den nordlegaste delen av Grande Terre, som strekkjer seg nordover frå botnen av Baie de la Dauphine, har status som viktig fugleområde (IBA) av BirdLife International på grunn av hekkande sjøfuglar. Her finst minst 23 fugleartar, mellom anna 250 000 par gulltoppingvinar ytst på halvøya, 5 400 par klippehopparpingvinar og ein liten koloni på 400 par svartbrynalbatrossar. Flekkpetrellar og kerguelenskarv hekkar i klippene. Andre fuglar her er gråalbatrossar, kerguelenterner og kerguelenand. Antarktisk pelssel og sørleg elefantsel ynglar her.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.