Nord-Trøndelag fylke
tidlegare fylke i Noreg / From Wikipedia, the free encyclopedia
Nord-Trøndelag fylke er eit tidlegare fylke i Noreg, som utgjorde den nordlege delen av Trøndelag fylke. Fylket grensa til Nordland i nord og Sør-Trøndelag i sør. I aust grensa fylket til Jämtlands län i Sverige med ei kyststripe i vest som strekte seg frå Bølefjorden i sør til øya Leka i nord med skjera Ertenbalen nordvest for Hortavær som nordlegaste punkt i fylket. Nord-Trøndelag vart stundom delt inn i distrikta Innherad, Stjørdalen og Namdalen.
Nord-Trøndelag fylke | |||
fylke | |||
|
|||
Land | ![]() | ||
---|---|---|---|
Del av | Trøndelag | ||
Adm.senter | Steinkjer | ||
Areal | 22 415 km² | ||
• land | 20 881 km² | ||
• vatn | 1 534 km² | ||
Folketal | 136 399 (1. januar 2016)[1] | ||
Målform | nøytral | ||
Statsforvaltar | Inge Ryan | ||
Fylkesordførar | Gunnar Viken (H) | ||
• Fylkesrådsleiar | Ingvild Kjerkol (Ap) | ||
Fylkesnummer | 17 | ||
![]() Nord-Trøndelag fylke 64.5°N 11.666669444444°E / 64.5; 11.666669444444 | |||
Wikimedia Commons: Nord-Trøndelag | |||
Nettstad: www.ntfk.no | |||
Steinkjer var senter for administrasjonen i fylkeskommunen. Andre byar i fylket er Namsos, Verdalsøra, Levanger, Stjørdalshalsen og Kolvereid. Sistnemnde er Noregs minste by i høve innbyggjartal.
Fylkesvåpenet er teikna av Hallvard Tretteberg, vart vedteke av fylkestinget 13.juni 1956 og godkjent ved kongeleg resolusjon 8. mars 1957. Motivet vert skildra slik: På sølv botn ein gull utbøygd kross. Våpenet skal minne om Heilag-Olav, som etter sagatradisjonen hadde ein gullkross på kvitt skjold under slaget på Stiklestad år 1030. Våpenet er i dag i bruk for Trøndelag fylke. Fylkesblomsteren til Nord-Trøndelag var marisko og fylkessteinen var thulitt.
27. april 2016 vart det vedteke av fylkespolitikarane i Nord- og Sør-Trøndelag at dei vil slå saman dei to fylka til eitt. 8. juni fekk samanslåinga ja frå Stortinget. Samanslåinga gjeld frå 1. januar 2018.[2][3]