From Wikipedia, the free encyclopedia
Nesthorn er eit 3 822 m moh høgt fjell i Bern-Alpane i Sveits. Fjellet ligg i kantonen Valais. Nesthorn ligg inneklemt mellom andre og høgre fjelltoppar, og er såleis lite synleg frå dalane i kring.
| Nesthorn | |||
| fjell | |||
 Nordsida | |||
| Land |  Sveits | ||
|---|---|---|---|
| Kanton | Valais | ||
| Fjellkjede | Bern-Alpane | ||
| Høgd | 3 822 moh. | ||
| Primærfaktor | 622 m ↓ mot Bietschhorn | ||
| Koordinatar | 46°24′48″N 7°55′33″E | ||
| Førstestiging | B. George | ||
| - dato | 18. september 1865 | ||
 Nesthorn 46.413333333333°N 7.9258333333333°E | |||
  Kart som viser Nesthorn.
| |||
| Wikimedia Commons: Nesthorn | |||
Nesthorn ligg i den sørlege delen av Bern-Alpane, mellom Lötschental i vest og dalen med Aletschgletscher i aust. Fjellet er i nord omkransa av Beichgletscher, ein bre som renn ned i Oberaletschbreen. Opp frå desse breane reiser Nesthorn seg i ein bratt fjellvegg, som er delvis bredekt. Mot vest fører ein fjellkam over Gredetschjoch til Breithorn ved Lötschental. Under sørskråninga ligg Gredetschgletscher. Nesthorn reiser seg opp for nordenden av dalen Gredetschtal. Denne u-dalen går ti kilometer beint mot sør og så fem kilometer mot vest, der han munnar ut ved Brig i Rhone-dalen. Noko nordaust for Nesthorn ligg Aletschhorn, ein vestleg granne er Bietschhorn.
Fyrste bestiginga av Nesthorn fann stad 18. september 1865. To britar, B. George og H. Mortimer hadde då fylgje med dei lokale fjellførarane Christian Almer og Ulrich Almer. Dei klatra vestegga til toppen av fjellet.
Normalruta til Nesthorn går nettopp langs vestegga, som ein når via Gredetschjoch (3508 moh). Til Gredetschjoch kjem ein antan frå Oberaletschhütte over Beichgletscher kryssande talrike bresprekker, eller frå Baltschiederklause over Baltschiederlicka. Denne kan ein nå over Gredetschgletscher.
Nordveggen på Nesthorn består for ein stor del av Aar-granitt. Noko som opnar for god sikring for klatrarar, i motsetning til det klatrarar opplever i mange andre nordveggar i dei sveitsiske Alpane.
Bietschhorn, Nesthorn og fjelltoppane i kring er lite besøkt, samanlikna med 4000-meters-toppane som ligg lenger nord.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
