![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/77/Nasjonal_Samling_%25C3%25B8rnemerke.svg/langnn-640px-Nasjonal_Samling_%25C3%25B8rnemerke.svg.png&w=640&q=50)
Nasjonal Samling
norsk politisk parti / From Wikipedia, the free encyclopedia
Nasjonal Samling (NS) var eit norsk politisk parti stifta 13. mai 1933 av leiaren Vidkun Quisling. Ved stortingsvala i 1933 og 1936 fekk NS om lag 2 % av stemmene.
Nasjonal Samling | |||
![]() | |||
Land | Noreg | ||
---|---|---|---|
Partileiar(ar) | Vidkun Quisling | ||
Generalsekretær | Rolf Jørgen Fuglesang | ||
Grunnleggjarar | Vidkun Quisling[1] | ||
Grunnlagt | 13. mai 1933 | ||
Nedlagt | 8. mai 1945 | ||
Hovudkvarter | Oslo | ||
Medlemstal | 8 000 (1936)[2] | ||
Ideologi | nasjonalisme, fascisme, antikommunisme, korporativisme ![]() | ||
Politisk posisjon | høgreekstremisme | ||
Slagord | Heil og sæl |
![Thumb image](http://upload.wikimedia.org/wikipedia/commons/thumb/e/e2/Ns-oernemerke.png/320px-Ns-oernemerke.png)
Ideologien vart etter 1934 orientert mot nazisme og fascisme. Den militære organisasjonen vart kalla hirden. Quisling etablerte ei kuppregjering då tyskarane invaderte 9. april 1940, men ho varte berre i tre dagar før Administrasjonsrådet tok over 15. april. Seinare under den tyske okkupasjonen vart Quisling frå 1. februar 1942 ministerpresident i ei nesten rein NS-regjering som styrte på tyskarane sin nåde. Likevel hadde partiet 44 000 medlemmer i 1943.[treng kjelde]
Partiet slutta å eksistere ved freden 8. mai 1945. Etterpå blei mange tidlegare medlemmer straffa i det norske landssvikoppgjeret, mellom anna fordi medlemskap i partiet var blitt gjort straffbart av den norske eksilregjeringa. Partileiaren Quisling og andre framståande partimedlemmer blei avretta. Andre medlemmer måtte sona fengselsstraffer. Ofte opplevde også dei og familiane deira å bli frosne ut eller uformelt straffa på andre vis av nærmiljøet.