![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8a/Mt_Stromlo_Obs2.jpg/640px-Mt_Stromlo_Obs2.jpg&w=640&q=50)
Mount Stromlo-observatoriet
From Wikipedia, the free encyclopedia
Mount Stromlo-observatoriet ligg like utafor Canberra i Australia, og er ein del av Research School of Astronomy and Astrophysics ved Australian National University (ANU).
![Thumb image](http://upload.wikimedia.org/wikipedia/commons/thumb/8/8a/Mt_Stromlo_Obs2.jpg/640px-Mt_Stromlo_Obs2.jpg)
![Thumb image](http://upload.wikimedia.org/wikipedia/commons/thumb/f/fb/Mt_Stromlo_Obs1.jpg/640px-Mt_Stromlo_Obs1.jpg)
![Thumb image](http://upload.wikimedia.org/wikipedia/commons/thumb/f/f8/The_Astronomer.jpg/640px-The_Astronomer.jpg)
Det vart grunnlagd i 1924 som The Commonwealth Solar Observatory. Mount Stromlo hadde alt blitt nytta for observasjonar det tidlegare tiåret, og eit lite observatorium vart bygd der av Pietro Baracchi i 1911.[1] Domen som husa Oddie-teleskopet var den første bygningen som vart bygd i det nyoppretta Australian Capital Territory. Fram til andre verdskrigen spesialiserte observatoriet seg på sol- og atmosfæreobservasjonar. Etter krigen vart fokuset endra mot stjerne- og galakseastronomi, og det fekk namnet The Commonwealth Observatory.
18. januar 2003 vart Mount Stromlo råka av ein omfattande skogbrann, og fem teleskop, verkstader, sju hus og ein verneverdig bygning vart øydelagd.[2] Det einaste telskopet som overlevde flammane var det 15 cm store Farnham-teleskopet frå 1886. Bitar av observatoriet er i dag på utstilling i National Museum of Australia.[3]
Observatoriet er i dag ein stor partnar i bygginga av Giant Magellan Telescope.[4]