![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/04/Drosera1.jpg/640px-Drosera1.jpg&w=640&q=50)
Fordøying
From Wikipedia, the free encyclopedia
Fordøying eller melting viser til den mekaniske og kjemiske nedbrytinga av komplekse næringsemne i organismar. Nedbrytinga gjev enklare stoff som kan absorberast av organismen og brukast i stoffskiftet hans. Prosessen består alltid av inntak, nyttiggjering av stoff og utstøyting av restar, men kan elles gå føre seg på ulike måtar.
![Thumb image](http://upload.wikimedia.org/wikipedia/commons/thumb/0/04/Drosera1.jpg/640px-Drosera1.jpg)
Ein kan skilja mellom intracellulær fordøying, som skjer inne i enkeltceller, og ekstracellulær fordøying som hovudsakleg finn stad i fordøyingskanalen.
Pattedyr utfører fordøying ved å eta mat med munnen der dei bryt han ned mekanisk gjennom tygging med tenner og kjemisk gjennom enzym i spyttet. Maten går så ned matrøyret til magesekken der syre drep dei fleste skadelege mikroorganismane og fortset nedbrytinga. Næringsstoff blir tekne opp i tynntarmen og tjukktarmen før restane blir skilde ut som avføring.