![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d4/Manchar_SPOT_1299.jpg/640px-Manchar_SPOT_1299.jpg&w=640&q=50)
Manchar-vatnet
From Wikipedia, the free encyclopedia
Manchar-vatnet eller Manchar-sjøen (sindi منڇر ڍنڍ, urdu منچھر جھیل, også skrive Manchchar) er eit vatn i Sind i Pakistan. Det er ein naturleg innsjø med sumpaktig ferskvatn som varierer mykje i storleik med årstidene, frå 36 km² i tørketida[1] til 500 km² eller meir i regntida.[2][3] I regntida er han den største innsjøen i Pakistan og ein av dei største ferskvassjøane i Asia.[4][5]
Mancharvatnet | |||
innsjø | |||
Mancharvatnet i Sind. | |||
Land | ![]() | ||
---|---|---|---|
Høgd over havet | 35 moh. | ||
Areal | 228−250 km² | ||
Største djupn | 5 m | ||
Volum | 740 000 000 km³ | ||
![]() Manchar-vatnet 26.41°N 67.68°E / 26.41; 67.68 | |||
Wikimedia Commons: Manchar Lake | |||
Mancharsjøen ligg vest for elva Indus, i Jamshoro og Dadu distrikt, 18 km unna Sehwan Sharif.[6] Gjennomsnittsdjupna i sjøen er berre 2,5 til 3,75 meter.[3] Sjøen får vasstilførsle frå fleire bekkar i Kirtharfjella og via kanalar. Han er knytt til Indus via to kanalar, Aral og Danister, og til Hamal-sjøen via Main Nara Valley Drain (MNVD).[7] Han ligg 6 meter lågare enn elveleiet til Indus, og tek av og til imot flaumvatn frå elva. Om vinteren, når vasstanden i elva er låg, renn vatn frå sjøen til Indus.[1][8][9]
Under ei tørke i 1958 tørka Manchar-sjøen heilt opp.[7] Under flaumane i Pakistan i 2010 fløymde sjøen over.[10] Under flaumane i 2022 gjorde ein hol i ein voll ved sjøen for å sleppe ut vatn for å unngå brest på demningar og flaum på meir folkesette stader.[11]