Malung-Sälens kommun

Malung-Sälens kommun er ein kommune i Dalarnas län i Sverige. Kommunen grensar til tre andre kommunar i Dalarnas län, Älvdalens kommun i nord og nordaust, Mora kommun i aust og Vansbro kommun i søraust. I sør grensar han òg til Filipstads kommun og Hagfors kommun i sør, og til Torsby kommun i vest, alle tre i Värmlands län. I tillegg har kommunen ei grense til Noreg, nærare bestemt til Trysil kommune i nordvest. Administrasjonssenteret i Malung-Sälens kommun er Malung.

Malung-Sälens kommun
kommune
Kommunevåpen
Land	Sverige
Len	Dalarnas län
Landskap	Dalarna
Del av	Dalarna, Q61606759, Q61607732
Centralort	Malung
Areal	4 339,31 km²
•  land	4 105,77 km²
•  vatn	233,54 km²
Folketal	10 428
Folketettleik	3 / km²
Malung-Sälens kommun 60.683333333333°N 13.733333333333°E / 60.683333333333; 13.733333333333
Kart som viser Malung-Sälens kommun. Kart som viser Malung-Sälens kommun.
Wikimedia Commons: Malung-Sälen Municipality
Nettstad: www.malung-salen.se

Skinnproduksjon har gamle anar i kommunen og dominerte næringslivet heilt fram til byrjinga av 1980-talet. I dag er verkstadindustri og turisme, mellom anna i Sälen, viktige næringar.

Administrativ historikk

Dei tre kommunane Lima, Malung og Transtrand vart ikkje påverka av den fyrste landsomfattande kommunereforma i 1952, men heldt fram som eigne kommunar til den andre kommunereforma i 1971. Då vart dei slått saman til Malungs kommun. Administrasjonssenteret Malung var municipalsamhälle frå 1931 til 1957 som ein del av Malungs kommun.

1. mars 2007 avgjorde den svenske regjeringa at kommunen skulle få byte namn til Malung-Sälens kommun frå og med 1. januar 2008.^[1] Dette er unik og gjer han til den einaste kommunen i Sverige som har to stadnamn i kommunenamnet.

Kommunevåpenet

Blasonering: På blå bakgrunn, ein hestesko, og ovanfor ein ståande klohammar, begge i gull.^[2]

Alle dei tre einingane som vart slått saman i 1971 hadde allereie eigne heraldiske våpen. Malung sitt hadde vorte fastsett i 1947 og byggjer på tingslagsseglet frå 1600-talet. Lima og Transtrand var også med i tingslaget, så det var naturleg å registrere det for den nye kommunen. Dette vart gjort i 1975. Hesteskoen og klohammaren har seinare endra farge frå gull til sølv.

Tettstader

Det er ni tettstader i Malung-Sälens kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1	Malung	5 146
2	Malungsfors	559
3	Sälen	508
4	Limedsforsen	443
5	Lima	418
6	Transtrand	373
7	Yttermalung	216
8	Rörbäcksnäs	202
8	Öje	202

Kjelder

• Artikkelen var opphavleg basert på ei omsetjing av «Malung-Sälens kommun» på Wikipedia på svensk.
• «Malung – kommune» på Store Norske Leksikon.

Fotnotar

1. «Malungs kommun blir Malung-Sälens kommun» – pressemelding frå det svenske finansdepartementet, 1. mars 2007
2. «I blått fält en hästsko och däröver en bjälkvis ställd klohammare, båda av guld.».