![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3c/20171031_Malmo_Arena_0232_%252825463574977%2529.jpg/640px-20171031_Malmo_Arena_0232_%252825463574977%2529.jpg&w=640&q=50)
Malmö Arena
fleirbruksarena i Malmö i Sverige / From Wikipedia, the free encyclopedia
Malmö Arena ein innandørs fleirbruksarena i Malmö i Sverige, og heimearena til ishockeylaget Malmö Redhawks.[1] I tillegg til å arrangere kampane til Malmö Redhawks, vert arenaen òg nytta til handball, innebandy, konsertar og andre hendingar. Han har òg arrangert innandørs friidrett. Arenaen er eigd av Parkfast og designa av Mats Matson frå MM Matsson Konsult, Hannu Helkiö frå Pöyry Architects og Gert Wingårdh frå Wingårdh arkitektkontor.[2] Namneretten til arenaen tilhøyrer Malmö kommun i ein tiårskontrakt skipa i 2007.[3]
Malmö Arena | |||||
![]() | |||||
Offisielt namn | Malmö Arena | ||||
Stad | Malmö i Sverige | ||||
Adresse | Arenagatan 15 215 32 Malmö | ||||
Eigar | Parkfast Arena AB | ||||
Drift | Parkfast Arena AB | ||||
Brukarar | Malmö Redhawks | ||||
Kapasitet | Idrett 13 000 Konsertar 15 000 | ||||
Arkitekt | MM Matsson Konsult AB, Pöyry Architects og Wingårdh arkitektkontor | ||||
Pris | 750 millionar SEK | ||||
Historiske årstal | |||||
---|---|---|---|---|---|
|
|||||
Hendingar | |||||
|
Med ein kapasitet på 13 000 for idrettsarrangement og 15 000 for konsertar er Malmö Arena den nest største innandørsarenaen i Sverige, etter Globen i Stockholm.[2] Rekorden for størst publikum på ein konsert er 11 300, då Lady Gaga heldt konsert 19. november 2010.[4] På ein ishockeykamp er rekorden 13 247, då Malmö Redhawks spelte mot Leksands IF 12. november 2008.[5] Bygginga av arenaen starta 10. januar 2007, og han opna 6. november 2008. Arenaen kosta 750 millionar svenske kroner.[6] Han ligg om lag 80 meter frå Hyllie station, der det går jarnbane og buss til Malmö centralstation, København lufthamn, Kastrup og Københavns Hovedbanegård.[2]
Malmö Arena arrangerte Eurovision Song Contest 2013 14., 16. og 18. mai 2013.[7]