Lipetsk

Lipetsk (kyrillisk skrift Ли́пецк) er ein by i Russland og administrativt senter i Lipetsk oblast. Han ligg ved breidda av elva Voronezj, 438 km søraust for Moskva.

Lipetsk Липецк
Horisonten til Lipetsk
Byvåpenet til Lipetsk
Plassering
Styresmakter
Land	Russland
Føderasjonssubjekt	Lipetsk oblast
Grunnlagd Bystatus	15. juli 1703 16. september 1779
Geografi
Flatevidd  - By	318 km²
Innbyggjarar  - Totalt (2007)    - folketettleik	502 600   1 580,5 /km²
Koordinatar	52°37′N 39°36′E
Høgd over havet	160 moh.
Tidssone - Ved sommartid	MSK (UTC+3) MSD (UTC+4)
Diverse annan informasjon
Postnummer	398600
Retningsnummer (tlf)	(+7)4742
Bilnummer	48
Nettstad: www.lipetskcity.ru

Historie

Lipetsk vart først nemnd i krøniker frå 1200-talet. I 1284 vart busetjinga øydelagd av mongolane.

I 1703 gav Peter den store ordre om å få bygd ein støypejernsfabrikk i Lipetsk, nær jernmalmførekomstar, for å lage granater. I 1779 vart Lipetsk ein av dei største byane i Tambov gubernija.

Dei største industriane i Lipetsk er jernindustri, metallarbeid, maskinproduksjon, motorar, kjemikaliar, mat og klede.

Lipetsk er ein av dei eldste kurstadane i Russland og opna første gong i 1805. Torvgjørme og jernmedisinsk hydrogenkarbonat og kalsiumhaldige kjelder vert nytta til å behandle pasientar. Svovel- og klorhaldig natriumvatn vert nytta til både terapøytiske bad og som drikkevatn.

Bakgrunnsstoff

Commons har multimedium som gjeld: Lipetsk