![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e7/Le_duan.png/640px-Le_duan.png&w=640&q=50)
Le Duan
vietnamesisk politikar / From Wikipedia, the free encyclopedia
Lê Duẩn eller Le Duan (7. april 1907–10. juli 1986) var ein vietnamesisk politikar.
Le Duan
uttalt [lē zʷə̂n] | |||
![]() | |||
Fødd | 7. april 1907 Quang Tri | ||
---|---|---|---|
Død | 10. juli 1986 (79 år) | ||
Statsborgar av | Vietnam | ||
Parti | Det vietnamesiske kommunistpartiet | ||
Yrke | politikar | ||
Barn | Le Kien Trung | ||
Verv | Generalsekretær i det vietnamesiske kommunistpartiet 10. september 1960-10. juli 1986 | ||
Føregangar | Hồ Chí Minh | ||
Etterfylgjar | Trường Chinh | ||
Alle verv |
Lê Duẩn var fødd som Lê Văn Nhuận i landsbyen Bich La village i Quảng Trị-provinsen den 7. april 1907[1] (eller 1908 ifølgje nokre kjelder)[2][3] i ein fattig familie med fem barn.[2][4] Han blei utdanna i det franske kolonisystemet og fekk arbeid hjå Det vietnameiske jernbaneselskapet i Hanoi på 1920-talet.[2] Gjennom arbeidet kom han i kontakt med fleire kommunistar.[5] På denne tida blei han marxist.[6] Han blei medlem av den revolusjonære ungdomsligaen i 1928.[7]
I 1930 var Lê Duẩn ein av stiftarane av det indokinesiske kommunistpartiet, der han etter kvart blei ein av leiarane i Vietnam, både innan parti og statsstyre. Han var fengsla av kolonistyresmaktene få 1931 til 1937. Frå 1937 til 1939 steig han i gradene innan partiet, og blei med i sentralkomiteen.[8] Han blei fengsla igjen året etter for oppvigleri. Etter fem år i fengsel blei han sleppt fri, kort tid etter Augustrevolusjonen i 1945, då det indokinesiske kommunistpartiet tok makta. Han blei ein støttespelar for den vietnamesiske kommunistleiaren Hồ Chí Minh.[9]