Gardasjøen

Gardasjøen (italiensk Lago di Garda eller Benaco) er den største innsjøen i Italia. Han ligg nord i landet, om lag halvvegs mellom Venezia og Milano. Gardasjøen ligg i eit fjellområde og vart danna av isbrear under den siste istida. Av provinsar rundt innsjøen finn ein Verona (i søraust), Brescia (sørvest) og regionen Trentino i nord. Innsjøen er ein stor turistdestinasjon med mange hotell og feriestader langs breidda.

Gardasjøen
innsjø
Gardasjøen sett frå Riva del Garda
Land	Italia
Tilsig	Sarca
Utløp	Mincio
Nedslagsfelt	2 350 km²
Opphaldstid	26,8 år
Høgd over havet	65 moh.
Lengd	51,9 km
Breidd	16,7 km
Areal	369,98 km²
Middeldjupn	136 m
Største djupn	346 m
Volum	50,35 km³
Koordinatar	45°38′N 10°40′E
Øyar	5 (Isola del Garda, Isola San Biagio)
Byar	Sjå liste
Gardasjøen 45.633333333333°N 10.666666666667°E / 45.633333333333; 10.666666666667
Satellittbilete av Gardasjøen med byar Satellittbilete av Gardasjøen med byar
Wikimedia Commons: Lake Garda

Geografi

Utsyn over sørdelen av sjøen nær Peschiera del Garda med Brescia-fjella. Måla etter 1533 av Girolamo dai Libri.

Den nordlege delen av innsjøen er smalare enn resten og omgjeven av fjell, som stort sett høyrer til Gruppo del Baldo. Han har her ei form som er typisk for ein morenedal. Sjølv om ein kan sjå spor etter isbreane meiner ein at isbreen låg i ein dal som alt var danna av elveerosjon for 5 til 6 millionar år sidan.

Innsjøen har fem øyar og den største av dei er Isola del Garda. Naboøya Isola San Biagio vert òg kalla Isola dei Conigli («Kaninøya»). Begge ligg utanfor San Felice del Benaco i Brescia. Dei tre mindre øyane er Isola dell'Olivo, Isola di Sogno og Isola di Trimelone.

Den største elva som munnar ut i innsjøen er Sarca, medan Mincio er det einaste utsiget.

Av dyreliv finn ein Salmo carpio, ein lakseart som berre finst i Gardasjøen. Andre artar er:

• Laue
• Aure
• Årbuk
• Karpe
• Ål
• Lake, Lota lota, ein art av torskefamilien.
• Gjedde
• Åbor
• Suter

Stader og attraksjonar

Den gamle festningsbyen Sirmione ligg i sørenden av innsjøen og er ein særleg populær turistattraksjon. Den vakre borga Scaliger er frå 1200-talet. Den romerske villaen var heimstad til diktaren Catullus. Svovelkjeldene ved enden av halvøya har rykte på seg for å vere lækjande for katarr, særleg når ein har det i øyre.

I nærleiken ligg Gardaland, ein av dei mest kjende parkane i Italia.

Kommunar rundt Gardasjøen

Trentino-Alto Adige	Veneto	Lombardia
Provinsen Trento (med klokka frå vest til aust)	Provinsen Verona (med klokka frå nord til sør)	Provinsen Brescia (med klokka frå sør til nord)
Riva del Garda Nago-Torbole	Malcesine Brenzone Torri del Benaco Garda Bardolino Lazise Castelnuovo del Garda Peschiera del Garda	Sirmione Desenzano del Garda Lonato Padenghe sul Garda Moniga del Garda Manerba del Garda San Felice del Benaco Salò Gardone Riviera Toscolano-Maderno Gargnano Tignale Tremosine Limone sul Garda

Utsyn frå Torbole over innsjøen.

Galleri

• 
  Limone ved Gardasjøen
• 
  Punta San Vigilio
• 
  Utsyn frå Gargnano
• 
  Borga ved Malcesine

Kjelder

• Denne artikkelen bygger på «Lake Garda» frå Wikipedia på engelsk, den 7. november 2007.

Bakgrunnsstoff

Wikimedia Commons har multimedia som gjeld: Gardasjøen

• Komplett guide til Gardasjøen med over 300 bilete
• Reiseguide
• Gardasjøen-magasinet Arkivert 2007-11-07 ved Wayback Machine.
• Webkamera frå Gardasjøen
• Mondophoto.net - 250 bilete av Gardasjøen og Sirmione Arkivert 2006-07-01 ved Wayback Machine.