![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/49/Kaarstoe_anlegget.jpg/640px-Kaarstoe_anlegget.jpg&w=640&q=50)
Kårstø gassbehandlings- og kondensatanlegg
From Wikipedia, the free encyclopedia
Kårstø gassbehandlings- og kondensatanlegg på Kårstø i Tysvær kommune i Rogaland er eit prosessanlegg for fleire av Statoil sine gassfelt i Nordsjøen og Norskehavet.
![Thumb image](http://upload.wikimedia.org/wikipedia/commons/thumb/4/49/Kaarstoe_anlegget.jpg/640px-Kaarstoe_anlegget.jpg)
![Thumb image](http://upload.wikimedia.org/wikipedia/commons/thumb/b/bf/EuropipeII.jpg/640px-EuropipeII.jpg)
![Thumb image](http://upload.wikimedia.org/wikipedia/commons/thumb/4/43/Gasskraftverket_kaarsto.jpg/640px-Gasskraftverket_kaarsto.jpg)
Anlegget vart bygd i 1980-åra for å handsame gass frå den nordlege delen av Nordsjøen via røyrleidningsystemet Statpipe. Den første gassen kom til anlegget 25. juli 1985 og vart send vidare til Emden i Tyskland oktober same år. Statpipe fører gass frå dei fleste felta på Tampen i Nordsjøen, som Statfjord, Gullfaks, Veslefrikk og Brage.
Sidan oktober 2000 har Kåstø-anlegget òg motteke gass frå felt i Norskehavet gjennom røyrleidningen Åsgard Transport. Desse felta er Åsgard, Heidrun, Norne, Draugen, Mikkel og Kristin.
Etter ei utviding i 2005, i samband med oppstarten til Kristin, har anlegget ein kapasitet på 88 millionar kubikkmeter gass dagleg.[1]
I tillegg til naturgass, tar Kårstø imot kondensat frå Sleipnerområdet. Dette vert handsama i eit anlegg som starta opp i 1993 og det ferdige produktet vert frakta ut med skip.