![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/64/JESC_2012_Map.svg/langnn-640px-JESC_2012_Map.svg.png&w=640&q=50)
Junior Eurovision Song Contest 2012
From Wikipedia, the free encyclopedia
Junior Eurovision Song Contest 2012 (JESC 2012) var den tiande gongen Junior Eurovision Song Contest vart arrangert. Tevlinga vart halden i Heineken Music Hall i Amsterdam i Nederland.[1][2] Finalen fann stad laurdag 1. desember. Det var andre gong Nederland arrangerte tevlinga, etter at Rotterdam var vertsby i 2007. Mottoet til tevlinga var «Break The Ice».[3] Ukraina vann tevlinga med songen «Nebo», framført på ukrainsk og engelsk av Anastasija Petrik.
Junior Eurovision Song Contest 2012 | ||||
---|---|---|---|---|
Break The Ice | ||||
Fil:Junior Eurovision Song Contest (logo).svg | ||||
Dato | ||||
Finalen | 1. desember 2012 | |||
Vertskap | ||||
Stad | ![]() | |||
Programleiarar | Ewout Genemans Kim-Lian van der Meij | |||
Kringkastar | ![]() | |||
Deltakarar | ||||
Deltakarland | 12 | |||
Debuterte | ![]() ![]() ![]() | |||
Trekte seg | ![]() ![]() ![]() ![]() | |||
Kart | ||||
![]() | ||||
██ Deltakarland██ Tidlegare deltakarland██ Aldri delteke | ||||
Vinnar | ||||
Land | ![]() | |||
Song | «Nebo» | |||
Artist | Anastasija Petrik | |||
Junior Eurovision Song Contest | ||||
|
Tevlinga vart leia av Ewout Genemans og Kim-Lian van der Meij. Van der Meij leia òg tevlinga i 2007, då saman med Sipke Jan Bousema. Finalen vart opna med melodien til «Break The Ice» og ei jente som framførte den svenske vinnarsongen frå Eurovision Song Contest 2012, «Euphoria». Som pausenummer framførte den nederlandske vinnaren av Junior Eurovision Song Contest 2009, Ralf Mackenbach, songen han vann med, «Click Clack», og «This Is Our Party». Van der Meij framførte «Break The Ice», som vart spesialskriven for tevlinga. Tolv land deltok i tevlinga, noko som vart det lågaste talet deltakarland i historia. Det svarte til talet deltakarland som deltok i Eurovision Song Contest 1970 i Jerusalem i Israel. Israel, Albania og Aserbajdsjan debuterte i Junior Eurovision Song Contest, medan ni tidlegare deltakarland meldte seg på. Fire land trekte seg: Litauen, Bulgaria, Latvia og Makedonia. Tevlinga vart vunne av Anastasija Petrik for Ukraina med songen «Nebo». Dette var den fyrste sigeren til Ukraina i Junior Eurovision Song Contest og den andre sigeren i Eurovision-samanheng sidan Ruslana vann Eurovision Song Contest 2004 i Istanbul i Tyrkia.