![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/93/Inuksukjuaq_Foxe-PI_2002-07-26.jpg/640px-Inuksukjuaq_Foxe-PI_2002-07-26.jpg&w=640&q=50)
Inuksuk
From Wikipedia, the free encyclopedia
Inuksuk (fleirtal inuksuit;[1] også inukshuk[2] (frå inuktitut ᐃᓄᒃᓱᒃ inukhuk på inuinnaqtun,[3] iñuksuk på iñupiaq og inussuk på grønlandsk) er ein type menneskelaga landemerke eller varde av stein laga av inuittar, yupikfolk og andre folkegrupper frå den arktiske delen av Nord-Amerika. Desse byggverka finst på Grønland og i Nord-Canada og Alaska i USA. Heile denne regionen ligg nord for polarsirkelen og er prega av tundra der det er område med få naturlege landemerke.
![Thumb image](http://upload.wikimedia.org/wikipedia/commons/thumb/5/52/Inuksuit_1911-2.jpg/320px-Inuksuit_1911-2.jpg)
![Thumb image](http://upload.wikimedia.org/wikipedia/commons/thumb/9/93/Inuksukjuaq_Foxe-PI_2002-07-26.jpg/640px-Inuksukjuaq_Foxe-PI_2002-07-26.jpg)
Historisk kan inuksukar ha blitt brukt til navigasjon og som referansepunkt, som markørar for reiseruter, fiskeplassar, leirar, jaktstader, heilage stader, gjerde brukte til jakt[4] eller til å markera eit matlager.[5] Iñupiatfolk i Nord-Alaska brukte inuksukar til å hjelpa seg til å gjeta karibu inn i særskilde område for å slakta dei.[6] Inuksukar kan ha ulike former og storleikar, og har gamle røter i inuittisk kultur.[7]
Historisk var den vanlegaste typen inuksuk bygd med stein sett oppå stein. Den enklaste typen er ein enkeltstein som er blitt sett på langkant.[8] Storleiken til nokre inuksukar tyder på at dei blei sette opp i fellesskap.[9]
Inuksuk Point (Enukso Point) på Baffinøya har over 100 inuksukar. Staden blei erklært National Historic Site of Canada i 1969.[10][11]