![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/ef/Indole_2D_numbered.svg/langnn-640px-Indole_2D_numbered.svg.png&w=640&q=50)
Indol
kjemisk sambinding / From Wikipedia, the free encyclopedia
Indol er ei kvit, krystallinsk, organisk sambinding med smeltepunkt 52,5 °C og kjemisk formel C8H7N. I heilt rein tilstand har indol ei blomeliknande lukt, særleg ved låg konsentrasjon. Dette gjer at indol har vore nytta i parfymelaging. Indol er vanlegvis ureina med litt skatol og har då ei vond lukt.
![Thumb image](http://upload.wikimedia.org/wikipedia/commons/thumb/e/ef/Indole_2D_numbered.svg/320px-Indole_2D_numbered.svg.png)
![Thumb image](http://upload.wikimedia.org/wikipedia/commons/thumb/c/ce/Indole-3D-balls-2.png/640px-Indole-3D-balls-2.png)
Indol vart fyrste gongen framstilt av indigo, men kan lagast syntetisk etter fleire metodar. Det finst i steinkoltjøre og i små mengder i sjasmin og appelsinblomeolje. Det er òg eit fysiologisk produkt, sidan det oppstår ved ròte og under melting i tarmkanalen. Det finst difor i menneskeavføring. Kjemisk er indol ein benzopyrrol.