From Wikipedia, the free encyclopedia
«I Want You» er ein song av Bob Dylan på albumet Blonde on Blonde frå 1966. Han vart òg gjeven ut som singel i lag med ei konsertutgåve av «Just Like Tom Thumb's Blues» i juni same året. Singelen nådde 20. plass i USA og 16. plass i Storbritannia.
I Want You Singel av Bob Dylan frå albumet Blonde on Blonde | ||
B-side |
«Just Like Tom Thumb's Blues» (konsertutgåve) | |
---|---|---|
Språk | engelsk | |
Utgjeve | juni 1966 | |
Innspelt | 10. mars 1966 | |
Sjanger | Folkrock | |
Lengd | 3:07 | |
Selskap | Columbia | |
Komponist | Bob Dylan | |
Tekstforfattar | Bob Dylan | |
Låtskrivar(ar) | Bob Dylan | |
Produsent | Bob Johnston | |
Bob Dylan-kronologi | ||
«Rainy Day Women #12 & 35» (1966) |
I Want You | «Just Like a Woman» (1966)
|
Det har vorte hevda at songen er om Anita Pallenberg, som då var kjæraste med Brian Jones frå The Rolling Stones.
Songen vart spelt inn tidleg på morgonen den 10. mars 1966 og var den siste songen Dylan spelte inn for Blonde on Blonde.[1] Han kom ut på singel i juni det året, kort tid før albumet kom ut.
Det vart spelt inn tre komplette opptak av «I Want You», der det siste opptaket, med gitar lagt oppå, vart masterversjonen. Heile innspelinga vart gjeven ut på den 18-plater store samlarutgåva av The Bootleg Series Vol. 12: The Cutting Edge 1965–1966 i 2015, og det nest siste opptaket vart òg gjeven ut på seksplatersutgåva og dobbeltutgåva av dette albumet.[2]
Dylan framførte «I Want You» som ein langsam ballade på verdsturneen sin i 1978, som ein kan høyre på Bob Dylan at Budokan, som kom i 1979. Dylan spelte òg songen på turné med Grateful Dead. Versjonen deira finst på Dylan and the Dead frå 1989.
B-sida til singelen var eit konsertopptak av «Just Like Tom Thumb's Blues» spelt inn i Liverpool i England ved Odeon Theatre den 14. mai 1966.
Andre som har spelt songen er mellom andre Sophie B. Hawkins, Bruce Springsteen, Les Fradkin, Arjen Anthony Lucassen, Ralph McTell, James Blunt og Cher.
Det er skrive to norske tekstar til songen. Håvard Rem skreiv ein tekst kalla «Æ vil ha dæ» som vart spelt inn av Åge Aleksandersen for albumet Fredløs - Dylan på norsk i 1997. Tom Roger Aadland skreiv ein nynorsk tekst kalla «Eg må ha deg» for albumet Blondt i blondt i 2016.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.