Høgfartsbaner i Thailand

Høgfartsbaner i Thailand er fleire utbyggingsprosjekt for høgfartstog i Thailand som tok til i 2010-åra. Fram til 2019 var det bygd omlag 3,5 kilometer bane.^[1]

Kart over planlagde høgfartsbaner i Thailand.

Historie

I oktober 2010 godkjende nasjonalforsamlinga i Thailand førebels planar for eit høgfartsbane-nettverk. Fem baner som skulle kunna handsama tog på opptil 250 km/h skulle stråla ut frå Bangkok.^[2]

Strekningar

Bana mellom Nong Khai og Bangkok

Anleggsfase 1

Strekninga mellom Nakhon Ratchasima og Bangkok er under utbygging. I 2021 vart det rapportert at bana kunne vera i drift i 2026.^[3][4] Prosjektet er thai-kinesisk.^[5]

Andre stoppestadar vil vera Ayutthaya og Saraburi. Farten skal etter planen komma opp i 250 km i timen.

Anleggsfase 2

Bygging i Khon Kaen i Thailand i mai 2017.

Bana frå riksgrensa til Nakhon Ratchasima var venta å vera i drift frå 2028, ifølgje rapportar i 2021.^[3][4] Finansieringa for heile strekninga frå Nong Khai (i Nong Khai-fylket) til Nakhon Ratchasima, er ikkje klar.^[6] Det er planlagt stoppestadar i Khon Kaen, Udon Thani, Nong Khai.

Per april 2019 jobbar ein med å planlegge anleggsfase 3: ei bane mellom hovudstaden i Laos og Nong Khai (i Thailand), Nong Khai-Vientiane Railway Connecting Line.

«Flytog» mellom fylka Rayong, Chonburi, Chachoengsao, Samut Prakan og Bangkok

Bang Sue sentralstasjon (Sathani Klang Bang Sue). Bygging i 2017

Ei høgfartsbane mellom U-Tapao-flyplassen i Rayong-fylket og Bangkok kjem tidlegast i drift i 2025 eller 2026.^[6][7] Bana skal ha endestasjon på flyplass i Bangkok (Don Mueang-flyplassen) og i Rayong-fylket, og bana skal òg ha stasjon tilknytt Suvarnabhumi-flyplassen i Samut Prakan-fylket. Avgjersla om å bygga høgfartsbana vart teken av regjeringa den 28. mars 2018.^[8][9] Bana skal ha ni stasjonar: Don Mueang, Bang Sue, Makkasan, Suvarnabhumi, Chachoengsao (hovudstaden i Chachoengsao-fylket), Chon Buri (hovudstaden i Chonburi-fylket), Sri Racha, Pattaya og U-tapao.^[8] Den foreslåtte bana vert kalla ein Eastern Economic Corridor (EEC) high-speed railway.^[10]

Referansar

1. «Thailand to speed up train link with China», www.bangkokpost.com (Bangkok Post Public Company Limited), henta 14. mai 2019
2. «Thailand to negotiate with China on high-speed proposal». International Railway Journal. 30. oktober 2010. Arkivert frå originalen 1. november 2010. Henta 30. oktober 2010.
3. Marukatat, Saritdet (17. september 2021). «Nong Khai plans for rail link with China». Bangkok Post. Henta 17. september 2021.
4. Govt mulls end of fast train plan. Bangkok Post. Vitja 2019-09-27
5. A capital idea. Bangkok Post. Vitja 2019-09-30. «The Northeast is a longer-term project for development as an economic hub, once the construction of the Thai-Sino high-speed rail from Nong Khai to Bangkok is completed.»
6. High-speed train talks with China back on rails. Bangkok Post. Vitja 2019-09-20
7. «U-tapao airport bus links launched». Bangkok Post. 4. mai 2018.
8. «JBIC pledges airport link loans». Bangkok Post. 4. mai 2018.
9. «High-speed rail linking 3 airports wins first nod». Bangkok Post. 26. februar 2018.
10. «Deal signed to set Thai rail standards». Bangkok Post. 10. mars 2018.

Bakgrunnsstoff

• CP given airport link ultimatum. 2019-09-24. Bangkok Post
• From Bangkok to Beijing. 2019-07-07. Bangkok Post
• PTT abandons rail project. [PTT trekkjer seg frå jarnbane-prosjektet] 2019-06-27. Bangkok Post
• High-speed airport rail in EEC moving along. 2019-06-24. Bangkok Post
  Denne transportartikkelen som har med Thailand å gjere, er ei spire. Du kan hjelpe Nynorsk Wikipedia gjennom å utvide han.