Homburg
From Wikipedia, the free encyclopedia
«Homburg» er ein song av Procol Harum frå 1967 og oppfølgjaren deira til singelen «A Whiter Shade of Pale». Han var skriven av pianist Gary Brooker og tekstforfattar Keith Reid og singelen nådde femteplass i Storbritannia, 15. plass i Canada og 34. plass i USA. Han nådde toppen av singellista i fleire land, som Australia, Sør-Afrika og Nederland.
Homburg Singel av Procol Harum | ||
B-side |
«Good Captain Clack» | |
---|---|---|
Språk | engelsk | |
Utgjeve | Oktober 1967 | |
Sjanger | populærmusikk | |
Komponist | Gary Brooker | |
Tekstforfattar | Keith Reid | |
Låtskrivar(ar) | Gary Brooker, Keith Reid | |
Procol Harum-kronologi | ||
«A Whiter Shade of Pale» (1967) |
Homburg | «Quite Rightly So» (1968)
|
Teksten til Reid inneheld dei same surrealistiske, draumeaktige bileta og kjensla av resignasjon og unytte som i debutsingelen. Òg på denne songen finn ein den rike og djupe hammondorgellyden til Matthew Fisher, men pianoet og gitaren tar større plass i det totale lydbiletet. Temaet er ikkje like Bach-aktig som på «A Whiter Shade of Pale», men singelen vart likevel kritisert for å vere for lik føregangaren.[1]
B-sida av singelen er «Good Captain Clack» frå albumet Procol Harum.