sandkassa- og yverlìvingspel From Wikipedia, the free encyclopedia
Minecraft er eit sandkasse-/yverlìvingspel til telja, telefon og ei rekkja spelkonsollar. Spelet lèt spelaren byggja eller laga bygnader av terningar og dilikt med store skjermmòlar i ei 3D-verd. Minecraft er skapa av Mojang AB, men byrja som ei fritidsysla av Markus «Notch» Persson. Minecraft hev teke inngjevnad frå Dwarf Fortress, RollerCoaster Tycoon, Dungeon Keeper, og serskilt Infiniminer.[1]
Minecraft | |||
Utviklar(ar) | Mojang, Microsoft | ||
---|---|---|---|
Utgjevar(ar) | Xbox Game Studios | ||
Distributør | Nintendo eShop, PlayStation Store, Microsoft Store, Google Play, App Store | ||
Skapar | Markus Persson | ||
Design(ar) | Markus Persson, Jens Bergensten | ||
Programmerar(ar) | Jens Bergensten | ||
Komponist(ar) | Daniel Rosenfeld, Lena Raine, Gareth Coker, Kumi Tanioka, Aaron Cherof | ||
Serie | Minecraft | ||
Spelmotor | Lightweight Java Game Library | ||
Siste versjon | 1.21 | ||
Plattform(er) | Microsoft Windows, Xbox 360, Android, Linux, PlayStation 3, macOS, Xbox One, PlayStation 4, PlayStation Vita, Windows Phone, iOS, Google Chrome OS, Ouya, Kindle Fire HD, Java Virtual Machine, Wii U, Nintendo Switch, Raspberry Pi, New Nintendo 3DS, tvOS | ||
Utgjeving | 18. november 2011 | ||
Sjanger | bønnespill, action-eventyrspel, sandkassespill | ||
Spelemodus | einspelar, fleirspelar | ||
Aldersgrense | PEGI 7 | ||
Nettstad | https://www.minecraft.net |
Minecraft er eit skapande sandkassespel, der spelaren byrjar på ein tilfelleleg stad i ei tilfelleleg laga verd. Det er ingen røynleg ende på spelet, men det som mange reknar som det siste i rekkja av viktige hendingar er banen åt «enderdraken». For å koma dega må spelaren finna og «vøla» ein portal som fører til «Enden» der draken bur. I Enden er det ingen annan måte å koma attende på en å drepa draken, som so gjev ein portal attende til heimverdi.
Flestalle som spelar gjer det for å yverlìva, byggja og granska. Um natti kjem skræmsl som vil freista å skada spelaren, og detta er ei drivkraft til å byggja seg ei livd. Skræmsl finn ein òg i djupe hòlor og på myrke stader. Jamvel um ein oftast finn skræmsl på natti, kann ein òg møta på sume av deim um dagen. T.d. mumieliknande skaldaudingar i sandheidi. Eit av dei sermerkte skræmsli i spelet er «creeperen» (d.e. krjuparen) som er ein grøn uppstaden skapnad, på høgd med spelaren, med fjore stutte bein. Detta ovrar seg um natti, men kverv ikkje um dagen slik som hine skræmsli.
Spelet gjev òg høve for fleirspel, der fleire kann spela samstundes i same verd. Her kann ein spela som ein vil, anten ein samarbeider um å byggja, tevlar um tilfangi, eller slæst og øydelegg for kvarandre. Kven som helst kann laga ein tenar med eigne sett med reglar for korleis dei skal spela.
Minecraft er rikt på skapnader utanom spelaren sjølv. Desse skapnadene, som ein ikkje kan spela som, vert kalla «mobs» (av engelske mobile), eit umgrìp som er vanlegt i spel.
Desse skapnadene freistar å skada spelaren um dei kjem fyr nære. Dei vil òg fylgja spelaren.
Desse freistar ikkje å skada spelaren.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.