Hendrick Avercamp

Hendrick Avercamp (27. januar 1585–15. mai 1634) (dåpsdato og gravlagd-dato) var ein nederlandsk kunstmålar frå Amsterdam.

Hendrick Avercamp
Statsborgarskap	Dei sameinte Nederlanda
Fødd	27. januar 1585 Amsterdam
Død	15. mai 1634 (49 år) Kampen
Yrke	kunstmålar, biletkunstnar
Hendrick Avercamp på Commons

Vinterlandskap, ca. 1608

Liv og gjerning

Avercamp gjekk i lære i heimbyen hos den danskfødde portrettmålaren Pieter Isaacks, kanskje også med David Vinckboons. I 1608 flytta han til Kampen i provinsen Overijssel. Grunna ein feil i taleorganet vart han kalla "de stomme van Kampen".

Som ein av dei fyrste landskapsmålarane av 1600-talsskulen i hollandsk målarkunst, spesialiserte Avercamp seg i å måle Nederlanda i vinterdrakt. Måleria hans er fargerike og livfulle, med nøyaktig utforma menneskefigurar i landskapet. Mange av Avercamp sine bilete viser fram folk som går på skeiser på dei frosne kanalane. Verka hans var mykje populære. Mellom anna selde han teikningane sine som ferdige bilete, etter det var lagt eit strøk med vassfargar på dei.

Avercamp døydde i Kampen og vart gravlagd frå Sint Nicolaaskerk der. Han har late etter seg ei mengd måleri og teikningar, oftast vinterstemningar og med små staffasjefigurar.

Kjelder

• Denne artikkelen bygger på «Hendrick Avercamp» frå Wikipedia på engelsk, den 24. mars 2012.