![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/f9/Haugast%25C3%25B8l_stasjon_1.jpg/640px-Haugast%25C3%25B8l_stasjon_1.jpg&w=640&q=50)
Haugastøl stasjon
stasjon på Bergensbanen / From Wikipedia, the free encyclopedia
Haugastøl stasjon er ein jernbanestasjon på Bergensbanen. Stasjonen ligg i Hol kommune i Viken, mellom stasjonane Ustaoset i aust og Finse i vest. Følgjer ein sporet over Roa ligg Haugastøl 275,5 km frå Oslo sentralstasjon. Stasjonen ligg 988 meter over havet. Vest for Haugastøl går Bergensbanen og Riksveg 7 ulike vegar, Bergensbanen tar den nordre ruta langs Hallingskarvet, mens Riksveg 7 går lengre sør fram til og gjennom Måbødalen.
![Thumb image](http://upload.wikimedia.org/wikipedia/commons/thumb/b/b2/Haugast%C3%B8l_stasjon.jpeg/320px-Haugast%C3%B8l_stasjon.jpeg)
Haugastøl stasjon | |
![]() Foto: Jan-Tore Egge | |
Stasjonsområde | |
---|---|
Stad | Hol (Buskerud) |
Distanse | 310,14 km frå Oslo |
Høgd | 988 moh. |
Opna | 1908 |
Arkitekt | Paul Armin Due |
Linjer og rutedrift | |
Linje(r) | Bergensbanen |
Eigar(ar) | Bane NOR |
Operatør(ar) | Vy Tog |
Overgang | |
Stasjonen vart opna i 1908. Stasjonsbygningen er teikna av jernbanearkitekten Paul Armin Due, og er ei krysning mellom nasjonalromantisk og jugendstil. Bygningen vart renovert i 1963, mellom anna vart det installert toalett. I 2002 fatta Riksantikvaren eit fredningsvedtak for både stasjonsbygningen og den tilhøyrande Sløtfjord voktarbolig.[1]
Rallarvegen har sitt utgangspunkt ved Haugastøl. Den var opphavleg ein anleggsveg bygd av rallarane som bygde jernbanen. Vegen er no ein populær gang- og sykkelsti i sommarmånadene, noko som gjer stasjonen forholdsvis stor trafikk sommarstid og stasjonen er delvis betjent i denne tida. Haugastøl er ikkje mellom de største stasjonane på høgfjellsstrekninga og ekspresstoga betjener ikkje stasjonen.