From Wikipedia, the free encyclopedia
Harrogate Convention Centre, tidlegare Harrogate International Centre, er eit konferanse- og messekompleks i Harrogate i North Yorkshire i England.
Harrogate Convention Centre | |||
![]() | |||
Opna | 1982 | ||
---|---|---|---|
![]() Harrogate Convention Centre 53.9968°N 1.54139°W |
Konferansekomplekset har historie tilbake til 1835, då dei fyrste utstillingssalane, The Spa Rooms, blei opna på området. I 1903 opna Royal Hall som arena for sosiale tilstellingar og møte. Utover i 1930-åra og etter andre verdskrigen utvikla Harrogate seg til ein populær konferanse- og messeby i England. I 1961 blei det arrangert 170 konferansar med 44 000 deltakarar i Harrogate.[1]
I 1970-åra anbefalte ein uavhengig turistanalyse å byggje eit større konferansesenter for å kunne handtere den aukande konferanseverksemda. Rapporten la grunnlaget for bygginga av Harrogate International Centre, som opna dørene i 1982. Hovudsalen hadde plass til nærare 2000 publikummarar, og eit av dei fyrste store arrangementa i senteret var Eurovision Song Contest 1982.[2]
Sidan har senteret blitt gradvis utbygd, blant anna i tidsrommet 2009–2014. Harrogate Convention Centre har åtte utstillingssalar på til saman 13 700 kvadratmeter. I tillegg er det eit hotell tilknytta komplekset. Hovudsalen har plass til opptil 1977 publikummarar, mens Royal Hall har plass til 978 publikummarar.[3][4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.