italiensk fotballspelar From Wikipedia, the free encyclopedia
Fulvio Collovati (fødd 9. mai 1957) frå er ein tidlegare fotballspelar frå Teor i provinsen Udine i Italia. Han vart verdsmeister med Italia i 1982 og vann både cup- og seriemeisterskap med Milan. Collovati var midtstoppar.
 | |||
| Personleg informasjon | |||
|---|---|---|---|
| Fødselsdato | 9. mai 1957 (67 år) | ||
| Fødestad | Teor i Italia | ||
| Høgd | 182 cm | ||
| Posisjon | Forsvarsspelar | ||
| Seniorkarriere* | |||
| År | Lag | Kampar | (Mål) |
| 1976-1982 | Milan | 158 | (4) |
| 1982-1986 | Inter | 109 | (3) |
| 1986-1987 | Udinese | 20 | (2) |
| 1987-1989 | Roma | 45 | (1) |
| 1989-1993 | Genoa | 72 | (0) |
| Totalt | 404 | (10) | |
| Landslag | |||
| 1979-1986 | Italia | 50 | (3) |
| * Seniorklubbkampar og mål berre telt for nasjonal liga | |||
Collovati spela i Milan frå 1976/77-sesongen og opplevde å verte italiensk cupmeister allereie i debutsesongen. To år seinare vart han italiensk seriemeister med klubben. Sesongen 1980/81 spela han sin einaste sesong i Serie B, ei fylgje av at Milan vart flytta ned som straff for si rolle i kampfiksingsaka Totonero. Etter seks sesongar i Milan gjekk han sommaren 1982 over til byrivalen Inter, der han spela fram til 1986. Sidan var han ein sesong i Udinese og to sesongar i Roma. Sommaren 1989 gjekk ferda vidare til Genoa. Collovati spela knappe fire sesongar i Genova, innan han la skorne på hylla som 35-åring. Til saman spela han 368 kampar i Serie A og skåra åtte mål.
Collovati debuterte på Italia sitt landslag i februar 1979, på heimebane i Milano vann Italia 3-0 over Nederland i ein vennskapslandskamp. Året etter var han på laget då Italia under EM i fotball 1980, på heimebane kom på fjerdeplass etter å ha tapt straffetevlinga 7-8 for Tsjekkoslovakia. Collovati utgjorde midtstopparduoen saman med Gaetano Scirea då Italia sommaren 1982 vart verdsmeistrar med 3-i i finalen over Vest-Tyskland under VM i fotball 1982 i Spania. Han var òg med i troppen til VM i fotball 1986 i Mexico. Der fekk han einast eit innhopp som innbytar i kampen mot Sør-Korea, hans 50. og siste opptreden i den italienske landslagstrøya. Collovati skåra tre landslagsmål, alle i 1980 og 1981.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
