![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c1/Soviet_postcard_for_correspondence_chess.jpg/640px-Soviet_postcard_for_correspondence_chess.jpg&w=640&q=50)
Fjernsjakk
From Wikipedia, the free encyclopedia
Fjernsjakk er sjakk som blir spela over avstand med ulike former for kommunikasjon.
![Thumb image](http://upload.wikimedia.org/wikipedia/commons/thumb/c/c1/Soviet_postcard_for_correspondence_chess.jpg/640px-Soviet_postcard_for_correspondence_chess.jpg)
Dette har tradisjonelt skjedd som postsjakk, med brev eller postkort. Dei siste åra har fjernsjakk i stor grad i staden blitt spela ved å bruke ei fjernsjakk-datamaskin til å kommunisere trekka, og til ei viss grad også ved ebrev.
Fjernsjakk har elles blitt spela ved bruk av dei fleste former for kommunikasjon, frå telegraf på 1800-talet, til seinare telefon, teleks og telefaks. Brevduer skal også ha blitt brukt.
Fjernsjakk står i motsetnad til nærsjakk, der spelarane sit ved eit sjakkbrett samtidig. Det blir også rekna som nærsjakk viss spelarane ikkje sit på same stad, men der trekka blir overført fortløpande, slik at partiet blir avvikla innanfor vanlege rammer for tenketid for nærsjakk.