![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/65/Fjellv%25C3%25A5k_%2528Buteo_lagopus%2529_%2528Rough-legged_Buzzard%2529_%2528Fj%25C3%25A4llvr%25C3%25A5k%2529.jpg/640px-Fjellv%25C3%25A5k_%2528Buteo_lagopus%2529_%2528Rough-legged_Buzzard%2529_%2528Fj%25C3%25A4llvr%25C3%25A5k%2529.jpg&w=640&q=50)
Fjellvåk
art av haukefuglar / From Wikipedia, the free encyclopedia
Fjellvåk (Buteo lagopus), òg kjent under mange ulike lokale nemningar som sjovåk, snjovåk, skyvåk, skittvåk, sjøvåk, sjøvåkørn, sjuvalk, kvinhauk og fjellglea,[1] er ein mellomstor rovfugl av haukefamilien som lever i arktiske og subarktiske regionar i Nord-Amerika og Eurasia i hekkesesongen og trekker sørover om vinteren. Det finst fire underartar, den nordamerikanske underarten har ein lys og ein mørk variant av fjørdrakta,[2][note 1] i Europa er mest alle fjellvåkar av lys morf.[3][note 2]
Fjellvåk | |
![]() Fjellvåk | |
Utbreiing og status | |
Status i verda: ![]() Status i Noreg: ![]() ![]() Utbreiingskart, grønt: hekkingsområde, blått: overvintringsområde | |
Systematikk | |
Rike: | Dyr Animalia |
Rekkje: | Ryggstrengdyr Chordata |
Underrekkje: | Virveldyr Vertebrata |
Klasse: | Fuglar Aves |
Orden: | Haukefuglar Accipitriformes |
Familie: | Haukefamilien Accipitridae |
Slekt: | Buteo |
Art: | Fjellvåk B. lagopus |
Vitskapleg namn | |
Buteo lagopus |
Eit kjenneteikn for fjellvåken er flukt med på breie venger, langsame vengeslag og han «stiller» relativt ofte i lufta. Han har ein kjenneleg lys eller kvit hale, generelt med eit mørkt endeband, vengene har lys underside med mørk flekk under vengeknoken, samt fjørkledde bein, det siste kan observerast om ein er nær. Det vitskaplege namnet lagopus tyder 'harefot', avleidd frå gammalgresk lago (λαγως), som tyder 'hare', og pous (πους), 'føter'.[4]
Norsk Ornitologisk Forening har vald fjellvåk til «Årets Fugl» 2014.[5]