Falkenbergs kommun

Falkenbergs kommun er ein kommune i Hallands län i Sverige. Kommunen grensar innanfor Hallands län til Hylte kommun i aust, Halmstads kommun i søraust og Varbergs kommun i vest og nordvest. I tillegg grensar han til Gislaveds kommun i Jönköpings län i nordaust, og til Svenljunga kommun i nord og Marks kommun i nordvest, begge i Västra Götalands län. Administrasjonssenteret i kommunen er Falkenberg.

Falkenbergs kommun
kommune
Kommunevåpen
Land	Sverige
Len	Hallands län
Landskap	Halland og Västergötland
Del av	Halland, Q31883954, Q61552287
Centralort	Falkenberg
Areal	1 162 km²
•  land	1 115 km²
•  vatn	47 km²
Folketal	40 084
Folketettleik	35 / km²
Falkenbergs kommun 56.916666666667°N 12.5°E / 56.916666666667; 12.5
Wikimedia Commons: Falkenberg Municipality
Nettstad: www.falkenberg.se

Det indre høglandet i kommunen er prega av skog, og dalbotnane har har elveavleiringar og våtmarker. Kystlinja i sør har strandstrekningar og sandvollar mellom bergknausene. Næringslivet er dominert av små og mellomstore verksemder. Mellom dei viktigaste føretaka er bryggjeriet Carlsberg Sverige AB og Gekås Ullared, som er eit av dei mest besøkte kjøpesentera i Sverige.

Administrativ historikk

Den noverande kommunen vart oppretta i to steg gjennom kommunereformene i 1952 og 1971 av Falkenbergs stad og 23 andre kommunar. I 1952 vart desse «storkommunane» oppretta: Högvad (då i Älvsborgs län), av kommunane Holsljunga, Mjöbäck og Älvsered), Morup (av Morup og Stafsinge), Ullared (av Fagered, Källsjö og Ullared), Vessigebro (av Alfshög, Askome, Köinge, Okome, Svartrå og Vessige), Vinberg (av Ljungby og Vinberg), Årstad (av Abild, Asige, Eftra, Slöinge og Årstad) og Ätran (av Gunnarp, Gällared og Krogsered). Skrea landskommun vart innlemma i Falkenbergs stad.

I 1971 danna Falkenbergs stad, saman med landskommunane Morup, Ullared, Vessigebro, Vinberg, Ätran og Årstad, samt Älvsereds församling (frå den oppløyste Högvads landskommun), Falkenbergs kommun.

Kommunevåpenet

Blasonering: På sølvbakgrunn, ein raud falk som står på eit grønt fjell med tre kular.^[1]

Dette er eit prakteksempel på eit såkalla «talande våpen», altså at våpenet illustrerer sjølve namnet. Namnet kjem frå ei borg i mellomalderen, og det eldste seglet med ein falk er frå 1500-talet. Fargevalet vart vedteke av Kongen i 1948. Etter kommunesamanslåinga vart våpenet teke i bruk i den nye kommunen. Det fanst ikkje andre våpen i området.

Det biletet av våpenet som kommunen brukar, vart teikna og teke i bruk i 1999, og ein kan sjå det på nettstaden til kommunen^{[daud lenkje]}. Frå eit heraldisk synspunkt er det ingen skilnad i høve til den versjonen som er presentert i denne artikkelen.

Tettstader

Det er 17 tettstader i Falkenbergs kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1.	Falkenberg	18 972
2.	Skogstorp	2 180
3.	Slöinge	974
4.	Ullared	820
5.	Skrea	789
6.	Vessigebro	774
7.	Glommen	687
8.	Vinberg	598
9.	Långås	516
10.	Älvsered	475
11.	Heberg	463
12.	Tettstaden Ätran	400
13.	Ringsegård	383
14.	Bergagård	265
15.	Årstad	258
16.	Morup	248
17.	Vinbergs kyrkby	216

Kjelder

• «Falkenbergs kommun» på Wikipedia på svensk, innhenta 30. desember 2009.
• «Falkenberg – kommune i Sverige» på SNL.no, innhenta 30. desember 2009 (lisensiert under CC-BY-SA).

Referansar

1. «I fält av silver en röd falk stående på ett grönt treberg».