![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/07/1971-72_European_Cup_Final_-_AFC_Ajax_v_Inter_Milan_-_Mauro_Bellugi_%2526_Piet_Keizer.jpg/640px-1971-72_European_Cup_Final_-_AFC_Ajax_v_Inter_Milan_-_Mauro_Bellugi_%2526_Piet_Keizer.jpg&w=640&q=50)
Europacupen i fotball 1972
From Wikipedia, the free encyclopedia
Europacupen i fotball 1972 var ei fotballturnering der vinnarane av 32 europeiske toppseriar i fotball var påmelde, attåt tittelforsvarar Ajax frå Amsterdam. Turneringa var den 16. i rekka. I finalen 31. mai 1972 på Feijenoord-stadion i Rotterdam vann tittelforsvararen med 2-0 over italienske FC Internazionale frå Milano. Sigeren var den andre av tre rake triumfar i Europacupen i fotball for det nederlandske meisterlaget.
![Thumb image](http://upload.wikimedia.org/wikipedia/commons/thumb/0/07/1971-72_European_Cup_Final_-_AFC_Ajax_v_Inter_Milan_-_Mauro_Bellugi_%26_Piet_Keizer.jpg/640px-1971-72_European_Cup_Final_-_AFC_Ajax_v_Inter_Milan_-_Mauro_Bellugi_%26_Piet_Keizer.jpg)
Europacupen 1972 var ei rein utslagsturnering. Ved lik målskilnad etter dobbelkamp talde bortemål dobbelt. Turneringa tok til med ei forrunde 19. og 26. august 1971, der serievinnarane i Spania og Luxembourg spelte om retten til å vere med i 1. runde. Sidan vart spelt to rundar i september-november, før kvartfinalane vart avvikla i mars og semifinalane i april 1972.
Vinnarlaget Ajax slo på sin veg mot finalen ut Dynamo Dresden, Dinamo Bucuresti, Arsenal FC frå London og Benfica frå Lisboa. Internazionale på si side eliminerte AEK Athen, Borussia Mönchengladbach, Standard Liège på bortemålsregelen og Celtic FC etter to mållause oppgjer og straffetevling.
![Thumb image](http://upload.wikimedia.org/wikipedia/commons/thumb/3/3e/Ajax-Internazionale_1972-05-31.svg/320px-Ajax-Internazionale_1972-05-31.svg.png)