![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7f/West_Mediterranean_Areas_509_BC.png/640px-West_Mediterranean_Areas_509_BC.png&w=640&q=50)
Etruskarar
From Wikipedia, the free encyclopedia
Etruskarane var eit folk som levde i det antikke Italia og Korsika frå 700-talet f.Kr. Dei budde i Etruria i noverande Toscana og nordlege Latium, og snakka etruskisk. Roma var truleg prega av etruskarar i byrjinga, og etruskisk kultur har derfor hatt stor påverknad på Romarriket og ettertida.
![Thumb image](http://upload.wikimedia.org/wikipedia/commons/thumb/7/7f/West_Mediterranean_Areas_509_BC.png/640px-West_Mediterranean_Areas_509_BC.png)
Det var romarane som kalla etruskarane Etrusci eller Tusci. Det attisk greske ordet for dei var Tyrrhēnioi (Τυρρήνιοι), noko som gav latinsk Tyrrhēni for etruskarane og Tyrrhēnum mare for havområdet no kjend som Det tyrrenske havet. Sjølv kalla folket seg rasenna, ifølge Dionysios frå Halikarnassos, I.30.3.
Etruskarane hadde si største utbreiing i førstetida til Roma og under det romerske kongedømet. Dei hadde tre byforbund: Av Etruria, av Podalen med dei austlege Alpane, og av Latium og Campania. Medan Roma låg i etruskisk område og opphavleg hadde mykje etruskisk kultur, blei etruskarane gradvis tekne opp i det italiske Roma i løpet av Den romerske republikken.