![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/71/Emma_Watson_in_the_Bag.jpg/640px-Emma_Watson_in_the_Bag.jpg&w=640&q=50)
Emma Watson
From Wikipedia, the free encyclopedia
Emma Charlotte Duerre Watson (fødd 15. april 1990)[2] er ein britisk skodespelar, modell og aktivist.[3] Watson blei fødd i Paris og voks opp i Oxfordshire, der ho var elev ved Dragon School og Stagecoach Theatre Arts i Oxford. Som barn blei ho kjend for rolla som Hermine Grang i Harry Potter-filmane, den første profesjonelle rolla si.[4] Watson spelte i alle dei åtte Harry Potter-filmane frå 2001 til 2011, og blei både verdskjend, kritikarrost og velståande, med ei inntekt på rundt 60 millionar dollar.[5]
Emma Watson | |||
![]() Watson i 2013. | |||
Fødd | 15. april 1990 (34 år) | ||
---|---|---|---|
Fødestad | Paris[1] | ||
Fødenamn | Emma Charlotte Duerre Watson | ||
Aktive år | 2001-no | ||
Verka som | Skodespelar og modell | ||
Sambuar | George Craig, Johnny Simmons | ||
Kjende roller | Hermine Grang i Harry Potter | ||
Prisar | Young Artist Award for Best Leading Young Actress in a Feature Film, Teen Choice Award for Choice Movie Actress - Sci-Fi/Fantasy, Teen Choice Award for Choice Movie: Liplock, Teen Choice Award for Choice Summer Movie Star: Female |
Watson heldt fram som skodespelar med filmar som Ballet Shoes (2007), The Tale of Despereaux (røyst, 2008), My Week with Marilyn (2011), The Perks of Being a Wallflower (2012) The Bling Ring (2013) og Noah (2014).[6] I 2017 spelte ho hovudrolla Belle i gjenskapinga av disneyfilmen Beauty and the Beast (Skjønnheten og udyret). Som modell har Watson arbeidd for Burberry og Lancôme.[7][8] Ho har også desiga klede for People Tree.[9] I 2014 blei Watson æra av British Academy of Film and Television Arts (BAFTA) då ho vann British Artist of the Year[10] Same året blei ho utnemnd til goodwill-ambassadør for UN Women og var med på å opna kampanjen deira HeForShe, som ber menn om å kjempa for kjønnslikestilling.[11]