From Wikipedia, the free encyclopedia
Ecser (IPA: ˈɛʧɛr, på slovakisk Ečer) er ein landsby i Pest fylke, Ungarn, like sør-aust for Budapest, nært Ferihegy lufthamn. Like ved ligg òg byane Maglód, Vecsés, Gyömrő og Üllő. Motorvegen M0 går like ved, og byen har jernbanesamband gjennom linje 120a (Budapest–Újszász–Szolnok).
Ecser | |||
landsby | |||
Land | ![]() | ||
---|---|---|---|
Areal | 13,11 km² | ||
Folketal | 4 114 (1. januar 2023) | ||
![]() Ecser 47.44437°N 19.32605°E | |||
Wikimedia Commons: Ecser | |||
Det fyrste nedskrivne om Ecser stammar frå 15. desember 1315, men landsbyen eksisterte truleg allereie ved madjarane sin invasjon omkring åra 895–896, truleg leia av Árpád. Ifølge legenda stoppa Árpád og hans menn her for å kvile. Árpád spurte dei lokale om namnet på busetjinga. Innbyggjarane kunne ikkje svare, så Árpád foreslo å oppkalle landsbyen etter det ungarske namnet for eik, cser.[1]
Ein annan teori er at Árpáds barnebarn, Ecsellö, er opphavet til namnet Ecser.[2]
Under Det osmanske riket sin dominans i området frå 1526 til 1686, døydde landsbyen ut, hovudsakleg grunna omleiringa av nærliggande Budapest. I 1696 var landsbyen ubebudd, og fyrst i 1699 byrja folk å flytte tilbake igjen, og rundt elleve familiar budde der på den tida. Ni menn frå landsbyen deltok i Ferenc II Rákóczi sitt opprør mot Habsburgarane i 1703–1711.
På byrjinga av 1700-talet tillèt grev Antal Grassalkovitch slovakar å busetje seg i Ecser. I 1730 budde rundt 50 familiar, alle skattebetalarar, i landsbyen.
Grunna innvandringa blei det i 1740 bygd ei romersk-katolsk kyrkje, som i dag er den einaste attverande historiske bygningen i Ecser. I 1836 var det 612 katolikkar i landsbyen, der 80 % var slovakar og 20 % ungararar.
Landsbyen er kjend for folkedansen sin kalla Bryllaup i Ecser (Ecseri lakodalmas). Byen sitt våpenskjold viser kyrkja, folkedansen og eit eiketre, landsbyens tre viktigaste kjenneteikn.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.