EM i fotball 2022 for kvinner
From Wikipedia, the free encyclopedia
Europameisterskapen i fotball for kvinner 2022 var den 13. europameisterskapen i fotball for kvinner og vart arrangert av UEFA frå 6. til 31. juli 2022 i England.
Meisterskapen skulle opphavleg arrangerast i 2021, men på grunn av koronapandemien vedtok UEFA å utsette meisterskapen for herrane til 2021 og meisterskapen for kvinner til 2022.[1]
28. februar 2022 vart russiske klubb- og landslag suspendert av FIFA og UEFA frå å delta i internasjonale turneringar på ubestemt tid, som følgje av den russiske invasjonen av Ukraina 24. februar 2022. Det russiske kvinnelandslaget var kvalifisert til europameisterskapen og skulle ha spelt i gruppe C.[2] Portugal overtok plassen til Russland i gruppe C.[3]
Vertsnasjonen England vann europameisterskapen for fyrste gong, etter å ha slege Tyskland 2–1 i finalen etter ekstraomgangar.[4]