![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/19/10.8.17CressidaCowellByLuigiNovi1.jpg/640px-10.8.17CressidaCowellByLuigiNovi1.jpg&w=640&q=50)
Cressida Cowell
From Wikipedia, the free encyclopedia
Cressida Cowell (fødd 15. april 1966)[1] er ein engelsk forfattar av barne- og ungdomslitteratur. Ho er særleg kjend for serien How to Train Your Dragon, Dragetreneren, som er blitt filmatisert av DreamWorks Animation. Serien har seld i over sju millionar eksemplar over heile verda.[2] Ho har også samarbeid med illustratøren Neal Layton om barnebokserien om Emily Brow,[3] der den første bok, That Rabbit Belongs to Emily Brown, vann ein Nestlé-barnebokpris.
Cressida Cowell | |
![]() | |
Statsborgarskap | Storbritannia |
Fødd | 15. april 1966 (58 år) London |
Yrke | skribent, barnebokforfattar, forfattar, illustratør, biletkunstnar |
Språk | engelsk |
Far | Michael Hare, 2nd Viscount Blakenham |
Mor | Marcia Persephone Hare |
Ektefelle | Simon Michael Cowell |
Born | Maisie Cowell, Clementine Cowell, Alexander Cowell |
![]() | |
Cressida Cowell på Commons |
Cowell vart fødd i London, og voks opp der med fleire sommaropphald på ei lita, folketom øy ved vestkysten av Skottland.[4] Draketrenar-serien hennar skal ha blitt inpirert av desse opphalda i Dei indre Hebridane.[5]
Cowell er utdanna innan litteratur og design. Ho studerte engelsk ved Keble College i Oxford og illstrasjon ved Saint Martin's School of Art og Brighton University. Ho byrja karrieren som illustratør, men blei etter kvart ein suksessrik forfattar av bilde- og barnebøker.
Cressida Cowell bur i London[6] med ektemannen Simon, ein tidlegare leiar for International Save the Children Alliance, døtrene Maisie og Clementine og sonen Alexander.[7]