Connie Francis

Connie Francis (fødd 12. desember 1938) er ein USA-amerikansk songar frå Newark i New Jersey. Francis hadde fleire internasjonale hittar i 1950- og 1960-åra. Blant dei best kjende er «Who's Sorry Now?», «Lipstick on Your Collar», «Somewhere My Love» og «Stupid Cupid». Ho toppa hitlistene fleire gonger, som med «Everybody's Somebody's Fool».

Connie Francis
Fødd	12. desember 1938 (85 år)
Fødestad	Newark
Fødenamn	Concetta Rosemarie Franconero
Alias	Connie Francis
Opphav	USA
Aktiv	1943–
Sjanger	popstandardard, country
Instrument	trekkspel, vokal, pianotrekkspill
Plateselskap	MGM Records
Verka som	songar, skodespelar, fjernsynsskodespelar, låtskrivar, filmskodespelar

Francis heitte opphavleg Concetta Rosemarie Franconero. Ho kom frå ein italiensk-amerikansk familie og voks opp i bydelen Italian Down Neck, eller Ironbound, i Newark i New Jersey, etter å ha levd dei første åra av livet i Brooklyn.^[1]

Ho byrja tidleg å opptre offentleg. Som tiåring var ho med i det amerikanska fjernsynsprogrammet Startime, der unga talent fekk sjansen til å visa seg fram. Ho opptredde først med trekkspel, men gjekk snart over til å berre synga. Det var her ho fekk det kortare artistnamnet Connie Francis.

Connie Francis gav ut sin første singel i 1955, men fekk ikkje stor suksess før i 1957 med «Who's Sorry Now?». Francis spelte inn plater på tretten språk i løpet av karrieren: Engelsk, fransk, gresk, italiensk (og dialekten napolitansk), hawaiisk, hebraisk, japansk, jiddisch, latin, nederlandsk, portugisisk, svensk og tysk. Under ein live-konsert i Braşov i Romania i mars 1970 sang ho også på rumensk.

Kjelder

1. Connie Francis: Who's Sorry Now? (Autogiography), St. Martin's Press, 1984, ISBN 0-312-87088-4

• Denne artikkelen bygger på «Connie Francis» frå Wikipedia på bokmål, og «Connie Francis» frå Wikipedia på svensk den 17. november 2016.

Denne musikkartikkelen er ei spire. Du kan hjelpe Nynorsk Wikipedia gjennom å utvide han.