Bryggja

Bryggja er ein tettstad og ei bygd i Stad kommune i Vestland fylke (tidlegare i Vågsøy kommune i Sogn og Fjordane fylke).^[1]

Bryggja
stad
Land	Noreg
Fylke	Vestland
Kommune	Stad
Areal	0,42 km²
Folketal	364  (2024)
Folketettleik	867 / km²
Postnummer	6711 BRYGGJA
Ferdselsårer	61
Bryggja 61.93839°N 5.43032°E / 61.93839; 5.43032

Tettstaden hadde 364 innbyggjarar per 1. januar 2024 og ligg på nordsida av Nordfjord, på fastlandet, 21 kilometers køyring aust for Måløy. Staden vart busett tidleg på 1600-talet og fekk handelsprivilegium i 1640. På 1700-talet hadde eigarane av handelsstaden einerett på handel i Hyen og Davik.

Her ligg Bryggja omsorgssenter og barneskulen Bryggja skule. Staden har òg daglegvarebutikk, bensinstasjon og bakeri. Verksemda North Cape Minerals som vinn ut olivin i Lefdal, er ein viktig arbeidsplass.

Skodespelaren og spelmannen Alfred Maurstad kom herfrå.