Brukar:Ranveig/Costa Rica
From Wikipedia, the free encyclopedia
Costa Rica, offisiellt Republikken Costa Rica, er eit land i Mellom-Amerika. Landa grensar til Nicaragua i nord og Panama i sør. Austom landet ligg Det karibiske havet, og i vest ligg Stillehavet. Hovudstaden er San José, som er midt i landet. Costa Rica har i overkant av 4,5 millionar innbyggjarar (2011), og eit areal på 51 100 km².
Costa Rica blei i 1949 det første landet i verda til å avvikla militærvesenet sitt. Landet har i dag eit stabilt demokrati, og er det eldste demokratiet i Latin-Amerika. Det har alltid vore blant dei latinamerikanske landa med høgast HDI, og var i 2012 rangert som nummer 62 i verda.
Costa Rica har eit svært rikt biologisk mangfald, og rundt ein fjerdedel av areala i landet er verna område, noko som er ein større del enn i noko anna land i verda. I 2007 offentleggjorde regjeringa planar om å bli det første karbonnøytrale landet i verda innan 2021. New Economics Foundation rangerte Costa Rica først i verda på sin Happy Planet Index i 2009 og 2012, og som det grønaste landet i verda i 2009. Det har blitt eit populært turistmål, og turistnæringa er ei av dei viktigaste inntektskjeldene i landet. Dei viktigaste eksportvarene er kaffi og bananar, følgd av kakao, sukker, storfekjøt og ananas.