Brukar:F.bendik/Norges litterære kanon
From Wikipedia, the free encyclopedia
Noregs litterære kanon er utforma i ei rekkje lister, redigerte utval og andre ulike versjonar, som kvar for seg freistar å etablera og definera eit samla oversyn over dei viktigaste, beste eller mest innverknadsrike norske forfattarar og bøkar skrevet i Noreg, i tråd med vanleg kanondanning innan kulturfeltet. Intensjonane i utvala nedanfor er ulike: Nokon skal vera autoritative, andre er debattinnlegg, eller subjektive favoritt-listar. Sett under eitt gjev dei eit mangesidig bilete av kva for tekster og forfattarar som vert verdsett blant norske lesarar. Det er neppe mogleg å definera eitt av utvala som det viktigaste, eller riktigaste.
![Thumb image](http://upload.wikimedia.org/wikipedia/commons/thumb/e/e8/Gustav_Wentzel_Frokost_2.jpg/320px-Gustav_Wentzel_Frokost_2.jpg)
Biletet er «Frukost» av G. Wentzel
Nokon av utvala er skapt gjennom juryarbeid, andre er utforma av éin enkelt redaktør, medan atter andre er basert på avstemming eller spørreundersøkelser. Tradisjonelt vil dei fleste jury-baserte forsøk på å definera kanon innehalda eit historisk lengdesnitt, med representantar frå fleire stilar og periodar. Lesaravstemmingar avspeglar derimot ofte ein kortare hukommelse hos lesarane. Dei fleste listene har hovudvekt på romanar, medan poesi, drama, noveller og sakprosa er svakare representert.
Gjengangrar i dei fleste utval av bøkar/forfattarar er Henrik Wergeland, Asbjørnsen og Moe, Henrik Ibsen, Amalie Skram, Åre Garborg, Knut Hamsun, Olav Duun og Sigrid Undset. Bjørnson og Falkberget vert ikkje alltid rekna med. Frå etterkrigstiden vert oftast nemnt Tarjei Vesaas og lyrikarane Olav H. Hauge og Rolf Jacobsen. Av forfattarar frå etter 1970 er dei fleste samde om å rekna Kjell Askildsen, Dag Solstad, Lars Saabye Christensen og Jon Fosse blant dei mest sentrale.