![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8e/Beaivv%25C3%25A1%25C5%25A1_S%25C3%25A1mi_Theatre_Kautokeino_2014.jpg/640px-Beaivv%25C3%25A1%25C5%25A1_S%25C3%25A1mi_Theatre_Kautokeino_2014.jpg&w=640&q=50)
Beaivváš Sámi Našunálateáhter
From Wikipedia, the free encyclopedia
Beaivváš Sámi Našunálateáhter (tidlegare Beaivváš Sámi Teáhter), på norsk Det Samiske Nasjonalteateret Beaivváš er eit norsk teater, skipa i Kautokeino i 1981. Beaivváš er den einaste profesjonelle institusjonen i Noreg med samisk som scenespråk, men teateret turnerer òg i dei samiske områda i nabolanda. Årleg har teateret ca. 70-80 reisedøgn, og det turnerer over ei strekning på ca. 6000 km.
![Thumb image](http://upload.wikimedia.org/wikipedia/commons/thumb/8/8e/Beaivv%C3%A1%C5%A1_S%C3%A1mi_Theatre_Kautokeino_2014.jpg/640px-Beaivv%C3%A1%C5%A1_S%C3%A1mi_Theatre_Kautokeino_2014.jpg)
Teateret var opphavleg ei uavhengig frigruppe, men har sidan 1991 vore statsstøtta, sidan 2002 via Sametinget. Det har hatt kunstnerisk og utdanningsmessig samarbeid med Samisk høgskule, teaterhøgskulen i Luleå, Scene Finnmark, Samiska Teatern i Kiruna, Åarjelhsaemien Teatere i Mo i Rana og Tärnaby, og dessutan Hålogaland teater.
I 2005 turnerte dei Norden med oppsetnjinga Skuolfi. I 2011 hadde teateret 30-års jubileum. Då vart den første framsyninga Våre vidder/Min duoddarat sett opp att med Nils Gaup i regien.
Teateret hadde i 2007 teatersjef Haukur J. Gunnarsson, fire fast tilsette skodespelarar og seks teknisk-administrativt tilsette. Teateret har årleg omkring 20 årsverk, ca. 10 årsverk går til innleidde instruktørar, dramatikarar, scenografar, kostymedesignarar, filmfolk, sminkørar, osb.
Teateret held til i Kautokeino kulturbygg. Det har lenge håpa å få nytt teaterbygg, og arbeidd for dette sidan 2005. I 2018 blei det gjort vedtak om å bygga eit samisk teaterhus samlokalisert med samisk vidaregåande- og reindriftssskule.[1]