![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/85/Achter-Pommeren.png/640px-Achter-Pommeren.png&w=640&q=50)
Bakpommern
From Wikipedia, the free encyclopedia
Bakpommern (tysk Hinterpommern, polsk Pomorze Tylne) er i historiske samanhengar den austlege delen av Pommern som ligg mellom Oder og Vestpreussen. Heile området høyrer til Polen sidan grenseforskuvingane i Sentral-Europa i 1945, som fann stad etter den andre verdskrigen som konsekvens av Jaltaavtalen. Saman med Frampommern, som no hovudsakleg ligg i Tyskland, danna landskapet den tyske provinsen Pommern. I dag er landskapet del av tre voivdoskap: det Vestpommerske (størstedelen), det Pommerske (Słupsk-området) og det Storpolske (Okonek kommune mot nord av regionen).
![Thumb image](http://upload.wikimedia.org/wikipedia/commons/thumb/8/85/Achter-Pommeren.png/320px-Achter-Pommeren.png)
Namnet Bakpommern er hovudsakleg brukt i tysk historiografi, fordi i den polske forståinga er Pommern eit meir omfattande landskap og frå polsk synspunkt ligg det faktisk framme, ikkje bak, i forhold til polske kjerneområde.