![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/49/Anders_Zorn_-_Br%25C3%25B6dbaket.jpg/640px-Anders_Zorn_-_Br%25C3%25B6dbaket.jpg&w=640&q=50)
Baking
From Wikipedia, the free encyclopedia
Baking er ein måte å laga til mat på ved hjelp av tørr varme, typisk i ein omn, men ein kan også bruka varm oske eller steinar. Det er vanleg å baka brød, kjeks og kaker, men ein kan også baka ei rekkje andre mattypar.[1] Varmen blir gradvis overført frå yta til det ein bakar til senteret, slik at ein gjerne får ei sprø skorpe og eit mjukare indre.[2] Baking kan kombinerast med grilling der ein bruker begge metodar samtidig eller etter kvarandre. Baking som prosess er også i slekt med røyking av mat.
![Thumb image](http://upload.wikimedia.org/wikipedia/commons/thumb/4/49/Anders_Zorn_-_Br%C3%B6dbaket.jpg/640px-Anders_Zorn_-_Br%C3%B6dbaket.jpg)
Historisk har tradisjonelt heimebaking til dagleg bruk blitt utført av kvinner og baking i bakeri og restaurantar blitt utført av menn. Industriell produksjon av bakverk føregår automatisert i større fabrikkar. Ein person som lagar bakverk profesjonelt blir kalla bakar. Ein bakar som spesialiserer seg på søte bakverk kan ein kalla konditor.