![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1c/Georges_de_La_Tour_053.jpg/640px-Georges_de_La_Tour_053.jpg&w=640&q=50)
Apostelen Filip
From Wikipedia, the free encyclopedia
Apostelen Filip var fiskar frå Betsaida i Galilea, og truleg ein av læresveinane til Døyparen Johannes da Jesus kalla han til seg. Johannesevangeliet fortel at det skjedde dagen etter at Peter og Andreas var kalla.[1] Filip og Andreas var dei einaste av apostlene som hadde greske namn, og da nokre grekarar ville sjå Jesus, var det Filip dei tok kontakt med.[2]
Apostelen Filip | |||
![]() | |||
Fødd | ca. 5 | ||
---|---|---|---|
Fødestad | Betsaida | ||
Daud | ca. 80 | ||
Dødsstad | Hierapolis | ||
Yrke | misjonær | ||
Helgendag | 14. november |
Kor det vart av Filip etter at apostlane var samla den første pinsa, er usikkert, tradisjonen er vag. I nokre tradisjonar vert han forveksla med ein diakon ved namn Filip, som levde og døydde i Hierapolis og hadde fleire jomfruelege døtrer med profetiske gåver.[3]
![Thumb image](http://upload.wikimedia.org/wikipedia/commons/thumb/7/7b/Enniscorthy_St._Aidan%27s_Cathedral_West_Aisle_Third_Window_Apostle_Philip_Detail_2009_09_28.jpg/320px-Enniscorthy_St._Aidan%27s_Cathedral_West_Aisle_Third_Window_Apostle_Philip_Detail_2009_09_28.jpg)
Etter katolsk tradisjon skal Filip ha misjonert i Sørvest-Asia og Skythia i det som no er Sør-Russland. Sidan skal han ha forkynt evangeliet i Frygia. Etter legenda vart han krossfest i år 81 under keisar Domitian. Relikvia etter Filip skal ha vorte førte til Konstantinopel og Roma, og skal elles finnast i kyrkjer i m.a. Troyes, Köln, Praha, Andechs, Paris og Toulouse.
Den heilage Filip vert i kunsten framstilt med latinsk kross eller ein T-forma Antoniuskross, som eit teikn på martyriet hans. Han kan også bli avbilda med ein lang kross; den kan vise til eit våpen som han i følgje ei legende om at han dreiv bort ei drake med. FPå bilete er Filip gjerne avbilda som svært ung.