![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/01/The_Childrens_Museum_of_Indianapolis_-_Aluminum_Christmas_tree.jpg/640px-The_Childrens_Museum_of_Indianapolis_-_Aluminum_Christmas_tree.jpg&w=640&q=50)
Aluminiumsjoletre
From Wikipedia, the free encyclopedia
Eit aluminiumsjoletre (engelsk aluminum Christmas tree) er ein type kunstige joletre som var populære i USA frå 1958 til midten av 1960-åra. Som namnet seier er «treet» laga av aluminium, og har nåler laga av aluminiumsfolie. Ofte er der det også ljossett nedanfrå med eit roterande «ljoshjul».
![Thumb image](http://upload.wikimedia.org/wikipedia/commons/thumb/7/75/Aluminum_Christmas_tree2.jpg/640px-Aluminum_Christmas_tree2.jpg)
Aluminiumstre skal ha vore dei første kunstige joletrea som ikkje var grønfarga.[1] Dei vart først laga kommersielt omlag 1955, vart verande populære inn på 1960-talet, og vart laga til og med 1970-talet.[2][3] Trea vart først laga av Modern Coatings, Inc. frå Chicago.[3][4] Mellom 1959 og 1969 vart dei fleste aluminiumsjoletrea laga i Manitowoc i Wisconsin av Aluminum Specialty Company.[5][4] I dette tiåret produserte selskapet over ein million aluminiumstre.[3]
![Thumb image](http://upload.wikimedia.org/wikipedia/commons/thumb/0/01/The_Childrens_Museum_of_Indianapolis_-_Aluminum_Christmas_tree.jpg/320px-The_Childrens_Museum_of_Indianapolis_-_Aluminum_Christmas_tree.jpg)
![Thumb image](http://upload.wikimedia.org/wikipedia/commons/thumb/c/c4/Aluminum_christmas_tree4.jpg/640px-Aluminum_christmas_tree4.jpg)
Joletrea var på sitt mest populære i 1960-åra.[1] Mot slutten av tiåret byrja dei å verta mindre populære, og mange vart kasta eller stua bort i kjellarar og loft.[2][6] Eit kjend fjernsynsprogram med Knøttene (Peanuts), A Charlie Brown Christmas frå 1965, brukte det kunstige treet som symbol på kommersialiseringa av jula, og forkasta det. Programmet er gjeve skulda for at tida til aluminiumstreet tok slutt.[3][5][6] I 1967 var denne typen tre nesten heilt forsvunnen.[7]
I 1989 kunne ein finna aluminumsjoletre selde brukt for så lite som 25 cent.[7] Seinare har trea vorte populære att som samleobjekt.[2] Eit sjeldan rosa tre på 7 fot vart selt på Internett for 3600 dollar i 2005.[2]