![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d8/Portrett_av_forfatter_Aasmund_Olavsson_Vinje.jpg/640px-Portrett_av_forfatter_Aasmund_Olavsson_Vinje.jpg&w=640&q=50)
Aasmund Olavsson Vinje
From Wikipedia, the free encyclopedia
Aasmund Olavsson Vinje (fødd 6. april 1818 i Vinje i Telemark, død 30. juli 1870 i Gran i Oppland) var ein norsk forfattar, journalist, lærar og jurist.
Aasmund Olavsson Vinje | |
![]() Aasmund Olavsson Vinje | |
Nasjonalitet | Norsk |
Statsborgarskap | Noreg |
Fødd | 6. april 1818 Vinje i Telemark |
Død | |
Yrke | Forfattar, journalist, lærar og jurist |
Rørsle | Poetisk realisme |
Sjanger | lyrikk |
Aasmund Olavsson Vinje på Commons |
Vinje var ein av dei fyrste etter Ivar Aasen sjølv som aktivt tok i bruk landsmålet, i både prosa og lyrikk. Med kjende dikt som «Våren», «Ved Rundarne», «Den dag kjem aldri» og «Blåmann», har han vorte ståande for ettertida som ein av dei mest folkekjære lyrikarane i Noreg. Lyrikken hans vart til i overgangstida mellom Henrik Wergeland sin død i 1845 og det såkalla moderne gjennombrotet, og vert gjerne litteraturhistorisk plassert under den poetiske realismen.
Han var dessutan ein markant føregangsmann innanfor norsk journalistikk, både som Christiania-korrespondent i Drammens Tidende og med sitt eige blad Dølen. Vinje markerte seg som ein retorisk medviten kritikar av både samfunnstilhøve, politikk og litteratur,[1] og som ein som hadde tvisyn, altså som såg sakene frå to sider.